ചക്ക ഷേക്ക്‌

ചക്കസീസണ്‍ വരുമ്പൊ നിങ്ങള്‍ക്കും ട്രൈ ചെയ്യാം .... പേടി വേണ്ടാ .. ടെസ്റ്റ് ചെയ്തു വിജയിച്ചതാ

അസ്സൈന്മെന്റ് ചരിതം ആട്ടക്കഥ!

കോളേജ് ലൈഫിലെ ഓര്‍മ്മകളിള്‍ നിന്നൊരു ഏടു ..

Praphul

Go to Blogger edit html and find these sentences.Now replace these sentences with your own descriptions.

Pazhampori

Go to Blogger edit html and find these sentences.Now replace these sentences with your own descriptions.

ഓര്‍മ്മക്കുറിപ്പുകള്‍

ചന്തിയില്‍ പാടുള്ള ഓര്‍മ്മകള്‍ :(

Thursday, November 25, 2010

ഇലക്ട്രോണിക്സ് ലാബ്‌ സ്മരണ


സ്മരണ വേണം സ്മരണ എന്നാണല്ലോ ഈപ്പച്ചന്‍ ലേലത്തില്‍ പറഞ്ഞത് .രണ്ടായിരത്തി മൂന്നു കാലഘട്ടത്തില്‍ ആണു ഇത് നടന്നത് . ബല്ല്യ കാര്യമൊന്നുമില്ല ബെര്‍തെ ഓര്‍ത്തപ്പോ ടൈപ്പി അത്ര മാത്രം . ഈ ലാബ്‌ ചെയ്യുന്നത് ബാച്ച് ബാച്ച് ആയാണ് . ട്രാന്‍സിസ്റ്റര്‍ രസിസ്ട്ടര്‍ അതിന്റെ ഒക്കെ എണ്ണം ആവശ്യത്തില്‍ കൂടുതല്‍ ഉള്ളത് കൊണ്ടും , ഞങ്ങള്‍ അത് കത്തിക്കുന്നതാണ് എക്സ്പരിമെന്റ്റ് എന്ന് തെറ്റിദ്ധരിക്കുന്നതു കൊണ്ടു കൂടി ആണു ഈ ബാച്ച് ബാച്ച് പരിപാടി എന്നും പറയാം . ഞങ്ങള്‍ടെ ബാച്ചില്‍ കുര്യന്‍ , മെല്ബിന്‍ , നിമ്മുമോന്‍, ഞാന്‍ പിന്നെ പീ പീ ജീ ഇത്രേം പേര്‍ ആരുന്നു ഉള്ളത് . കുര്യനും മെല്‍ബിനും എക്സ്പെരിമന്റ്റ് ചെയ്യണം എന്നൊക്കെ ഉള്ള പൊട്ട ആഗ്രഹങ്ങള്‍ ഉള്ള ആള്‍ക്കാര്‍ ആണു . അതുകൊണ്ട് അവരെ റീഡിംഗ് എടുക്കുക .. സര്‍ക്യൂട്ട് കണക്റ്റ് ചെയ്യുക തുടങ്ങിയ കൂതറ പരിപാടികള്‍ ഞങ്ങള്‍ അങ്ങ് ഏല്‍പ്പിക്കും . പീ പീ ജീ ഇടയ്ക്കു അവരെ ശല്യം ചെയ്യും , സൊ അവനെ അടുത്ത ടീമില്‍ എന്ത് നടക്കുന്നു എന്ന് നോക്കി വരാന്‍ പറഞ്ഞു വിടും . ഞാനും നിമ്മുമോനും ശാസ്ത്രീയ സംഗീതം പ്രാക്ടീസ് ചെയ്യുന്നത് ഈ ലാബില്‍ ആണു . നല്ല പൊക്കമുള്ള സ്ടൂളില്‍ കയറി ചമ്രം പടിഞ്ഞിരുന്നാണ് പ്രാക്ടീസ് . അങ്ങനെ ഒരു ദിവസം ദേവസഭാതലം പാടുവാരുന്നു .... നിമ്മുമോന്‍ സ ഷഡ്ജം എന്ന് പാടി നിര്‍ത്തി .. ഞാന്‍ അതിന്റെ ബാക്കി പാടാനായിട്ടു തുടങ്ങുവേം എം എല്‍ പോള്‍ സാര്‍ വിളിച്ചു ..
എന്താ അവിടെ ? പാട്ടോ ?
നിമ്മു : ഡാ പണി കിട്ടി
ഞാന്‍ : ഉറപ്പല്ലേ .
നിമ്മു : അപ്പോളെ ഞാന്‍ പറഞ്ഞതാ സെമിക്ലാസ്സിക്കല്‍ വേണ്ടെന്നു
ഞാന്‍ : അപ്പൊ അതാ പ്രശ്നം ആയതു .. ആ ക്രോലിംഗ് ഇന്‍ മൈ സ്കിഇഇന്‍ വല്ലോം പാടിയാ മതിയാരുന്നു .
പ്രശ്നം കൂടുതലായി അപഗ്രഥിക്കാന്‍ സമയം കിട്ടിയില്ല അപ്പോളേക്കും സാര്‍ അടുതെത്തി .
സാര്‍ : എന്താടോ ..? ഏതാ എക്സ്പരിമന്റ്റ്
ഞാന്‍ : അത് .. (എനിക്ക് ഭാവാഭിനയം അല്പം കൂടുതല )
സാര്‍ : ഓ .. എന്നാല്‍ താന്‍ പറ (നിമ്മുനോട് )
നിമ്മു : അത്.. ഇത .. ജപ ..
സാര്‍ : രണ്ടെണ്ണവും വന്നു സ്ടൂളിന്റെ മോളില്‍ കേറി പാട്ടും കൂത്തും നടത്തുന്നത് ഞാന്‍ കൊറേ നേരമായി കാണുന്നു .
ആത്മന്‍ : കൂത്തോ ... സാര്‍ അനാവശ്യ ആരോപണങ്ങള്‍ ആണല്ലോ ഉന്നയിക്കുന്നത് .
സാര്‍ തുടരുന്നു .. ഇങ്ങനെ ഉള്ള പരിപാടിക്കാണെങ്കില്‍ ... ഒന്നുകില്‍ പുറത്തു പോകാം .
ആത്മന്‍ : അല്ലെങ്കില്‍ .. അല്ലെങ്കില്‍ ..
സാര്‍ പിന്നേം തുടരുന്നു .. അല്ലെങ്കില്‍ ഇങ്ങോട്ട് വരണം എന്നില്ല ..
ഞങ്ങളുടെ രണ്ടു പേരുടെയും മുഖത്ത് സന്തുഷ്ടിയുടെയും സംത്രിപ്തിയുടെയും ഭാവങ്ങള്‍ മിന്നി മായുന്നു .


ആഫ്ടര്‍ എഫ്ഫക്റ്റ്‌ : സെഷണല്‍ ലാബിനു .. ബ്രഡ് ബോഡില്‍ ഈ രെസിസ്ടര്‍ ട്രന്സിസ്ടര്‍ മുതലായ കോപ്പ് പിടിപ്പിക്കാന്‍ അറിയില്ലാത്ത കൊണ്ടു മാരക മാര്‍ക്ക് കിട്ടി . ഇതിനാണ് അറിയാത്ത പിള്ള (ഈശോ ... ജാതിപ്പേര് അല്ല ഉദ്ദേശിച്ചത് .) .. സ്ക്രാച് ചെയ്യുമ്പോ അറിയും ന്നു പറയുന്നേ .പിന്നെ ഒരുത്തന്‍ കാശ് മുടക്കി മേടിച്ചു വെച്ച ബ്രഡ് ബോഡിന്റെ നെഞ്ചതാണ് രെസിസ്ട്ടര്‍ ഒക്കെ കുത്താന്‍ പഠിച്ചത് !!

സത്യവാങ്ങ്മൂലം : സത്യായിട്ടും ഞാന്‍ എഞ്ചിനീയറിംഗ് കോളേജില്‍ പോയിട്ടുണ്ട്

Monday, November 22, 2010

കണ്ടത് പറഞ്ഞാല്‍ - ഗുസാരിഷ്

ശനിയാഴ്ച രാത്രി ഗുസാരിഷ് കണ്ടു .. സാവരിയ കണ്ട അനുഭവം ഉള്ള കൊണ്ട് പ്യാടി ആരുന്നു . പിന്നെ ബ്ലാക്ക്‌ നെ പറ്റി ഓര്‍ത്തപ്പോ ഒരു ധൈര്യം .

  • അല്പം നാടകീയമാണ്‌ കഥ
  • പലയിടത്തും ചര്‍ച്ച ചെയ്യപ്പെട്ടിട്ടുള്ള ദയാവധം ആണ് തീം .
  • കിടപ്പിലാണെങ്കിലും സംഭാഷങ്ങളിലൂടെ ഹൃതിക് ഇടക്കൊക്കെ സ്പാറുന്നുണ്ട്
  • പിന്നെ ഇടക്കുള്ള നൃത്ത രംഗങ്ങളിലും മച്ചാന്‍ തകര്‍ത്തു
  • ഐശ്വര്യ മോശമില്ലാതെ അഭിനയിച്ചു
  • ചില ഇംഗ്ലീഷ് പടങ്ങളിലെ (എതെന്നൊന്നും അറിയാന്‍ മേല ) പോലെ ഉണ്ട് ക്യാമറ വര്‍ക്ക് .
  • കളര്‍ പതിവ് പോലെ ഇരുട്ടും നീലയും ആണ് കൂടുതല്‍ .. പിന്നെ ഗോവന്‍ പച്ചപ്പ്‌ നന്നായി എടുത്തിട്ടുണ്ട് .
  • ആര്‍ട്ട് മൂഡ്‌ ആണ്
  • ആര്‍ട്ട് മൂടിനപ്പുറം .. ഇടക്കൊക്കെ അല്‍പ സ്വല്പ മോട്ടിവേഷന്‍ (പടം തീരുന്ന വരെ എങ്കിലും) തോന്നി
  • നഷ്ടങ്ങള്‍ക്ക് അപ്പുറം ജീവിതം ഉണ്ട് എന്നൊക്കെ (വെര്‍തെ )ഇടയ്ക്കു തോന്നും . (സത്യത്തില്‍ അങ്ങനെ തന്നെയാണ്) ചിലയിടങ്ങളില്‍ അല്പം വലിച്ചില്‍ ഉണ്ട് കഥക്ക് എങ്കിലും എനിക്കിഷ്ടപ്പെട്ടു

വാല് : ഗോവയ്ക്ക് ഒരു ട്രിപ്പ്‌ പോവാന്‍ തോന്നണു :-/ 

Monday, November 15, 2010

എല്‍ എച്ച് - കേട്ടത് മാത്രം !



ഹൈറേഞ്ച് ലേക്കുള്ള കവാടമെന്നു അറിയപ്പെടുന്ന ഒരിടം . അവിടെ ഒരു കലാലയം , വെറും കലാലയം അല്ല സാങ്കേതിക കലാലയം അവിടുത്തെ ഏറ്റവും ശ്രദ്ധ ആകര്‍ഷിക്കുന്ന കേന്ദ്രമായ എല്‍ എച്ച് . എനിക്കീ എല്‍ എച്ച് നെ പറ്റി ഒന്നും അറിയത്തില്ലേ . കുറച്ചു കൂട്ടുകാരികള്‍
പറഞ്ഞു കേട്ട പരിചയം മാത്രം .വെറും കേട്ടു പരിചയം.
അതിലൊരുത്തി തന്നാ പറഞ്ഞേ .. "നീ എന്തായാലും അതും ഇതും എല്ലാം ബ്ലോഗില്‍ എഴുതുവല്ലേ .. എല്‍ എച്ചിനെ പറ്റീം എഴുത് .ഞങ്ങക്ക് വായിച്ചു
ചുമ്മാ നോസ്ടല്ജിക്കാല്ലോ" .
ഞാന്‍ : ശ്രമിക്കാം .. പക്ഷെ നിര്‍ബന്ധിക്കണം .
ലവള്‍ " അവന്റെ ഒരു ജാഡ , ശരി നിര്‍ബന്ധിച്ചിരിക്കുന്നു !
ഞാന്‍ : ഒരു എലിജിബിള്‍ ബാച്ചിലര്‍ ആണു .. റിസ്കാ .. ഹ്മം നോക്കട്ടെ .
പലപ്പോഴായി കേട്ട ചില എല്‍ എച്ച് നിയമങ്ങള്‍ ..രീതികള്‍ ഇവിടെ ടയിപ്പട്ടെ .

ടി ണി ടിം ടിം ..ടി ണി ടിം ടിം... ടി ണി ടിം ടിം ടാ .. പ്യാടിക്കണ്ട ന്റെ റിംഗ് റോണ്‍ ആണു മൊഫീലിന്റെ റിംഗ് റോണ്‍ . ആപ്പീസിന്റെ ഗേറ്റ് കടക്കുമ്പോ മൊഫീലിനു നിശബ്ദ പ്രൊഫൈല്‍ ന്നു മോചനം കൊടുക്കും . ക്ലാസ് മേറ്റ്‌ ആണു , നേരത്തെ പറഞ്ഞില്ലേ, ലവള്‍ തന്നെ ..
ഞാന്‍ : ഹല ..
ലവള്‍ : ഡാ വീട്ടിലെത്തിയില്ലേ? അതോ വായി നോക്കി നടക്കുവാണോ ?
ആത്മന്‍ : ആഹാ എത്ര നല്ല ഇമ്പ്രഷന്‍
ഞാന്‍ : പൊ അവിടുന്ന് .. ഇപ്പ ഇറങ്ങിയതെ ഒള്ളു .. കോള്‍ ആരുന്നു , ഓണ്‍സൈറ്റ് ന്നു മദാമ്മ ആന്‍റ് സായിപ്പ് നു തെറി വിളിക്കുവാരുന്നു
ഇനി അതിന്റെ കേടു തീരണമെങ്കില്‍ ഒരു ഗ്രില്ല്ട് ചിക്കന്‍ തട്ടണം , മിനിമം ഒരു ചിക്കന്‍ ബിരിയാണി .
ലവള്‍ : അതെന്താ ലേറ്റ് ആയതു ?
ഞാന്‍ : ഡേ ലൈറ്റ് സേവിംഗ് .. മാറി . ഇപ്പ ഒരു മണിക്കൂര്‍ ലേറ്റ് ആണു .. നാശം !!!
ലവള്‍ : ഓ .. നീ ഇപ്പളല്ലേ ഡേ ലൈറ്റ് സേവിംഗ് ഒക്കെ കാണാന്‍ തൊടങ്ങിയതു , ഞാന്‍ ഇത് എത്രയോ മുന്നേ കാണാന്‍ തുടങ്ങീത .
ഞാന്‍ : വിന്‍ഡോസ്‌ ഇന്‍സ്റ്റോള്‍ ചെയ്യുമ്പോ ഡേറ്റ് ആന്‍ഡ്‌ ടൈം സെറ്റ് ചെയ്യുമ്പോ ആരിക്കും .. അത് ഞാനും കണ്ടതാ
ലവള്‍ : ഓ ഹോ .. കമ്പ്യൂട്ടര്‍ ല് അങ്ങനെ ഒക്കെ ഒണ്ടോ .. ഞാന്‍ കണ്ടിട്ടില്ല ..
ആത്മന്‍ : മിയാ കുള്‍പാ .... അങ്ങനെ പറയാന്‍ പാടില്ലാരുന്നു ..
അതല്ലെടാ , ഞങ്ങള്‍ടെ എല്‍ എച്ചില്‍ ഡേ ലൈറ്റ് സേവിംഗ് ഉണ്ടാരുന്നു .. ഒക്ടോബര്‍ പാതി ഒക്കെ ആവുമ്പോ തൊട്ടു എല്‍ എച്ച് ഗേറ്റ് അടക്കുന്നത് അര മണിക്കൂര്‍ നേരത്തെ ആക്കും . അപ്പൊ നേരത്തെ സണ്‍സെറ്റ് ആവുല്ലേ അതോണ്ട് . ഒന്ന് അമ്പലത്തില്‍ പോയിട്ട് വരാന്‍ പോലും ടൈം കിട്ടൂല്ല .
ഞാന്‍ : അമ്പലമോ .. നീ ആ ആന്‍സ് സ്നാക് പോയിന്റ്‌ ന്നല്ലേ വെടി കൊണ്ട പന്നീനെ പോലെ പാഞ്ഞു പോവാറ്
ലവള്‍ : ആ അതൊക്കെ ഒരു കാലം .. എല്ലാം പോയില്ലേ .
ഇങ്ങനെ കൊറേ റൂള്‍സ് ഒണ്ടു എല്‍ എച്ചില്‍ . ഒരു മിനിറ്റ് വൈകിപ്പോയാല്‍ പിന്നെ എല്‍ എച്ചില്‍ കേറ്റൂല്ല . പ്രൈവറ്റ് ഹോസ്റ്റല്‍ ല് പോയി നിക്കണ്ടി വരും . അല്ലെങ്കി പിന്നെ അടുത്തുള്ള ഏതേലും ഗേള്‍സ്‌ ന്റെ വീട്ടില്‍ പോയി നിക്കണം . എന്തൊരു കഷ്ടാ .
ഞാന്‍ : നിന്നേ ഒക്കെ അനുസരണയില്‍ നിര്‍ത്തണ്ടെ അതാ
ലവള്‍ : നീ എന്റെ ഫ്രണ്ട് ആണോ അതോ വാര്‍ഡന്‍ ന്റെ ഫ്രെണ്ടോ ?
ഞാന്‍ : അതിപ്പോ .. അത് പോട്ടെ .. ഞാന്‍ പാഴ്സല്‍ മേടിക്കട്ടെ .. തിരിച്ചു വിളിക്കാം ..

കേരളത്തില്‍ ഡേയ് ലൈറ്റ് സേവിംഗ് നടപ്പാക്കുന്ന എന്റെ അറിവിലെ ഏക സ്ഥലം ആണു ഞങ്ങള്‍ടെ കോളേജ് ലെ എല്‍ എച്ച് .

ഇതുങ്ങള്‍ ഏതിനോടു സംസാരിച്ചാലും എല്‍ എച്ച് ഒരു മെയിന്‍ കഥാപാത്രം ആണു. പാര്‍ടിയെ പറ്റി പറയുമ്പോ സീ പീ എം കാര്‍ക്ക് വരുന്ന ഒരു ആവേശം ഇല്ലേ അതാണ്‌ എല്‍ എച്ചില്‍ നിന്ന പെണ്‍പിള്ളാര്‍ക്ക് എല്‍ എച്ചിനെ പറ്റി പറയുമ്പോ .

വേറെ ഒരു ലവള്‍ പറഞ്ഞത് :

ഡാ .. എല്‍ എച്ച് ല് നിന്നാല്‍ പിന്നെ എവിടെ പോയാലും അഡ്ജസ്റ്റ് ചെയ്യാന്‍ പറ്റും. ഒരു റൂമില്‍ പത്തു മുതല്‍ പതിനാലു പേര് വരെ കാണും . അതും ബങ്ക് ബെഡ് ഒക്കെ കൂട്ടി ഇട്ടു മൂന്നു പേര്‍ ഒക്കെ നിരന്നങ്ങു കിടക്കും . ചാള അടുക്കിയ പോലെ ..കാറ്റു പോലും മര്യാദക്ക് കേറില്ല . എന്നാലും ഇഷ്ടാരുന്നു എല്‍ എച്ച് . ഫുഡ്‌ ന്നൊക്കെ പറഞ്ഞാല്‍ .. എല്‍ എച്ചിലെ ഫുഡ്‌ ആണു . ന്റമ്മോ , എല്‍ എച്ച് ലെ ബീഫ് ഫ്രൈ കഴിക്കാന്‍ തോന്നുന്നു . ഞായറാഴ്ച ആണു എല്‍ എച്ചില്‍ ബീഫ് ഫ്രൈ കിട്ടുക . അന്നാണേല്‍ അമ്പലത്തില്‍ പോവണം ന്നും ഒണ്ടു . പിന്നെ ഉച്ചക്ക് ബീഫ് ഫ്രൈ ഒക്കെ അടിച്ചു , നന്നായി ഒന്ന് കുളിച്ചു അങ്ങ് പോവും .
ഞാന്‍ : പിന്നല്ല . നല്ല സോപ്പിട്ടൊരു കുളി കുളിച്ചാല്‍ ദൈവം എങ്ങനെ അറിയും അല്ലെ . ബീഫ് കഴിച്ചോ ഇല്ലയോന്നു .
അവള്‍ : ഡാ ഡാ .. അത്രക്കും ടേസ്റ്റ് ആയോണ്ട ... അതൊക്കെ ദൈവം ക്ഷമിച്ചോളും .

വേറെ ഒരു അവസരത്തില്‍ കേട്ടത് .

ലവള്‍ : എല്‍ എച്ചിലെ ചിലവുകളില്‍ ഒരു ഭാഗം നടന്നു പോവുന്നത് അവിടുത്തെ ഫൈന്‍ കൊണ്ടാ .. കൊറേ ടൈപ്പ് ഫൈന്‍ ഒണ്ടു
ഞാന്‍ : ഫൈന്‍ ഓ .. എന്ത് ഫൈന്‍ ?
ലവള്‍ : നീ ചിരിക്കരുത്
ഞാന്‍ : ഇല്ല . ചിരിക്കൂല്ല .
ലവള്‍ :ഹെയര്‍ ഫൈന്‍ .
ആത്മന്‍: ഹോ ഇംഗ്ലീഷ് ഇല്‍ ആയതു ഭാഗ്യം .. വല്ല തമിഴ്നാട്ടിലും ആരുന്നെങ്കിലോ ..
ഞാന്‍ : എന്തുവാ ഈ ഹെയര്‍ ഫൈന്‍ ?
ലവള്‍ : അതെന്താന്നു വെച്ചാല്‍ , നമ്മള് കുളിച്ചു കഴിഞ്ഞാല്‍ കുളിമുറിയില്‍ മുടി കിടക്കാന്‍ പാടില്ല .. അതൊക്കെ വൃത്തിയാക്കണം .
ഞാന്‍ : അതൊക്കെ നോക്കാന്‍ ആളുണ്ടോ ?
ലവള്‍ : പിന്നേ .. അതിനൊക്കെ ഡ്യൂട്ടി ഉള്ള ആളുണ്ട് .
ഞാന്‍ : ഭയങ്കരം തന്നെ !!! കുളിക്കുമ്പോ കുളിമുറി അടക്കണം ന്നു നിയമം ഉണ്ടോ ?
ലവള്‍ : ഏയ്‌ .. അങ്ങനെ ഒന്നുള്ളതായി കേട്ടിട്ടില്ല .
ഞാന്‍ : അപ്പൊ .. അടക്കൂല്ല ?
ലവള്‍ : പോടാ പോടാ . ആ ..പറഞ്ഞു വന്നത് . അങ്ങനെ മുടി കണ്ടു പിടിച്ചാല്‍ ആ വിംഗ് ല് ഉള്ള എല്ലാര്‍ക്കും ഫൈന്‍ ആണു . ചെക്ക്‌ ചെയ്യാന്‍ വരുന്നത് വിംഗ് സെക്രടറി ആണു .
ഹ്മം .. പിന്നെ ഒരു ഫൈന്‍ ഉള്ളത് പ്ലേറ്റ് ആന്‍ഡ്‌ ഗ്ലാസ്‌ ഫൈന്‍
ഞാന്‍ : ഏഹ് ??
ലവള്‍ : നമ്മള് മെസ്സിന്നു ചിലപ്പോ ചായ സ്നാക്സ് ഒക്കെ എടുത്തോണ്ട് പോരും . അത് കഴിച്ചു കഴിഞ്ഞു ഗ്ലാസും പ്ലയിട്ടും ഒക്കെ തിരികെ വെക്കണം . ഇടയ്ക്കു മെസ്സ് സെക് റെയിഡ്‌ നു വരും .. പ്ലേറ്റ് ഓ ഗ്ലാസ്സോ ഉണ്ടോന്നു നോക്കാന്‍ . നമ്മള്‍ടെ റൂമില്‍ ഒന്ടെങ്കില്‍ റൂമിലെ എല്ലാര്‍ക്കും ഫൈന്‍ കിട്ടും .
ഞാന്‍ : ആവശ്യം തന്നെ .. നിങ്ങള്ക്ക് വാരിക്കോരി ഫൈന്‍ കിട്ടി കാണുല്ലോ .
ലവള്‍ : ഹ്മ്മ്മം .. ഇമ്മിണി പുളിക്കും . റെയിഡ്‌ ചെയ്തു വരുമ്പോളേക്കും ഞങ്ങക്ക് ഇന്‍ഫര്‍മേഷന്‍ കിട്ടും , അതിനൊക്കെ ഉള്ള ടീംസ് ഉണ്ട് . അഥവാ വല്ല ഗ്ലാസ്സോ പ്ലേറ്റ് ഓ ഒന്ടെങ്കില്‍ ജനലിക്കൂടെ ഒറ്റ ഏറാ .
ഞാന്‍: ഫീകര്ര്ര്‍ !!
ലവള്‍ : എത്ര ഗ്ലാസും പ്ലയിടും ആണു എല്‍ എച് മതിലിന്റെ അപ്പുറത്തെ തെങ്ങിന്‍ ചുവട്ടില്‍ അന്ത്യവിശ്രമം കൊള്ളുന്നത്‌ .
ഞാന്‍ : ആഹാ .. എത്ര മനോഹരമായ ആചാരങ്ങള്‍ .
ലവള്‍ :ഇനീം ഉണ്ട് റൂള്‍സ് . ലോകത്തില്‍ ജുനിയര്‍ സീനിയര്‍ ഡിസ്ക്രിമിനേഷന്‍ ഏറ്റം കൂടുതലുള്ള സ്ഥലങ്ങളില്‍ ഒന്ന് എല്‍ എച് ആണു . എല്‍ എച്ചിന്റെ മുന്നില്‍ വിസിട്ടെര്സ് ഉണ്ടെങ്കില്‍ അതിലെ പോവുന്ന ജൂനിയേര്‍സ്‌ ഷാള്‍ ഇടണം
ഞാന്‍ : ഷാളാ ?
ലവള്‍ : ഓ .. അവന്‍ ഷാള്‍ ന്നു കേട്ടിട്ടില്ല .. ഷാള്‍ ചുരിദാറിന്റെ മോളില്‍ ഇടുന്ന സാധനം . ജുനിയെര്സ് അത് ഇടണം ന്നു നിര്‍ബന്ധം ആണു വിസിട്ടെര്സ് ഉള്ളപ്പോ അതിലെ പോവുമ്പോ , അതിപ്പോ ഷര്‍ട്ട്‌ ഇട്ടാലും ടീ ഷര്‍ട്ട്‌ ഇട്ടാലും അതിന്റെ മോളില്‍ ഷാള്‍ ഇടണം . ഇടാതെ പോയാല്‍ അതിനും ഫൈന്‍ ഉണ്ട് .
ഞാന്‍ : സീനിയേര്‍സ് നു എന്തും ആവാം ?
ലവള്‍ : അത് സീനിയേര്‍സ് അല്ലെ . ഞങ്ങള്‍ സീനിയേര്‍സ് ആയപ്പോ ഞങ്ങളും അര്‍മാദിച്ചു നടന്നില്ലേ .
ഞാന്‍: ബെരി ഗുഡ് . ഇനി ഈ ടൈപ്പ് ഐറ്റംസ് എന്തേലും ??
ലവള്‍ : ജുനിയര്‍ സീനിയര്‍ വ്യത്യാസം ഒള്ള ഒരു റൂള്‍ കൂടെ ഒണ്ടു - ഡോര്‍ റൂള്‍ .
ഞാന്‍ : അതെന്താ ?
ലവള്‍ : മെസ്സ് ഹാളിലേക്ക് ഉള്ള മെയിന്‍ ഡോര്‍ സീനിയേര്‍സ് മാത്രേ ഉപയോഗിക്കാന്‍ പാടുള്ളൂ . ജൂനിയേര്‍സ്‌ കിച്ചന്റെ അടുത്തുള്ള ഡോര്‍ വഴിയെ കേറാന്‍ പാടുള്ളൂ . മെയിന്‍ ഡോര്‍ വഴി കേറിയാല്‍ ഫൈന്‍ ആണു
ഞാന്‍ : അടിപൊളി . ഇങ്ങനെ ആണു അമ്മായിഅമ്മ പോര് ഒന്ടായത് --എനിക്ക് കിട്ടീല്ല .. അവളും കഷപ്പെടട്ടെ .
ലവള്‍ : ഇനീം ഒണ്ടു , ഫോണ്‍ റൂള്‍ . ആദ്യമൊന്നും എല്ലാര്‍ക്കും മൊബൈല്‍ ഇല്ലല്ലോ . എല്‍ എച്ച് ലാന്‍ഡ്‌ ഫോണ്‍ ലേക്കാ കോള്‍ വരിക . മൂന്നു മിനുട്ടില്‍ കൂടുതല്‍ സമയം എല്‍ എച്ച് ഫോണ്‍ ഉപയോഗിച്ചാല്‍ പിന്നെ എക്സ്ട്രാ ഓരോ മിനുറ്റിനും രണ്ടു രൂപ ഫൈന്‍ ആണു .. ഹോ എന്തോരം രണ്ടു രൂപയാ പോയിട്ടുള്ളത് .
ഞാന്‍ : ഇപ്പൊ ഇങ്ങനത്തെ വല്ല റൂളും ഒന്ടാരുന്നെല്‍ സെറ്റപ്പ് ആയേനെ . കുത്തുപാള !!
ലവള്‍ : നീ കോമണ്‍ നെ പറ്റി കേട്ടിട്ടുണ്ടോ ?
ഞാന്‍ : പിന്നെ .. കോമണ്‍ .. കേട്ടിട്ടുണ്ട് .. ഞാന്‍ ആണു എന്റെ വീട്ടിലെ കോമണ്‍ അഡ്മിന്‍ , എക്സല്‍ ഷീറ്റ് ഒക്കെ ഒണ്ടു .നോക്കീം കണ്ടും നിന്നാല്‍ വട്ടചിലവിനുള്ളത് ഒപ്പിക്കാം .
ലവള്‍ : അതല്ലെടാ , എല്‍ എച്ച് ലെ കോമണ്‍ . സീനിയേര്‍സ് ജൂനിയേര്‍സ്‌ നെ ചീത്ത വിളിക്കാന്‍ വിളിക്കുന്ന മീറ്റിംഗ് ന്റെ പേരാ അത് . അതിനു ചെന്നില്ലെങ്കില്‍ നൂറ്റമ്പതു രൂപ ഫൈന്‍ ആണു .
ഞാന്‍: ഈശോ ! ഈ എല്‍ എച്ച് കേരളത്തില്‍ തന്നെ അല്ലെ ??
ലവള്‍ : ഹോ .. ഒരു ദിവസം നമ്മള്‍ടെ ബാച്ചിലെ പിള്ളാരും സീനിയെര്സും ആയി അടി ആയി .. ഞങ്ങള്‍ "പൊ പുല്ലേ പോടീ പുല്ലേ " ഒക്കെ വിളിച്ചു . ആകെ പ്രശ്നമായി .. അടിപൊളി ആരുന്നു . പിറ്റേന്ന് ഒരു എന്‍ ആര്‍ ഐ ചേച്ചി പറയുവാ . നിങ്ങള്‍ എന്താ പറഞ്ഞേ പൊ പുല്ലേ ന്നോ .. യു നോ വാട്ട്‌ ഈസ്‌ പുല്ലു .. ഗ്രാസ് ആണു ഗ്രാസ് .. ഛെ എന്ത് ചീപ് ആണു നിങ്ങള്‍ ന്നു . ചിരിക്കാണ്ട് അത് കേട്ടു നിന്നത് എങ്ങനാന്നു എനിക്കെ അറിയൂ .
ഞാന്‍ : ഹി ഹി .. അത് കൊള്ളാം .. ഗ്രാസ് ആണു ഗ്രാസ് .
ലവള്‍ : പിന്നെ സാധാരണ സ്ഥലം പോലെ അല്ല .. ഇഷ്ടമില്ലാത്ത ആള്‍ക്കാരെ ആണു നമ്മള്‍ വിംഗ് സെക്രട്ടറി ഒക്കെ ആയി ഇലക്റ്റ് ചെയ്യുക . ജാഡ ജൂനിയേര്‍സ്‌ ആരിക്കും വിംഗ് സെക്രടരികള്‍ .
ഞാന്‍ : അതെന്താ അങ്ങനെ ?
ലവള്‍ : അതോ .. എന്നാലല്ലേ .. എന്താ ലൈറ്റ് കത്താതെ .. ഫാന്‍ കറങ്ങാതെ ന്നും പറഞ്ഞു നമ്മക്ക് അവരെ ചീത്ത വിളിക്കാന്‍ പറ്റു .
ഞാന്‍ : സൂപ്പര്‍ .. ഇനിം ഒണ്ടോ ?
ലവള്‍ : പിന്നെ .. .. ഹ്മം ...
ഞാന്‍ : വേണ്ട ആലോചിച്ചു പിന്നെ പറഞ്ഞാല്‍ മതി .. ഞാന്‍ പോയി ഡിന്നര്‍ തട്ടട്ടെ .. അപ്പൊ ഗുഷ്‌ നൈറ്റ്‌ .


ഇത്രയൊക്കെ ഫൈന്‍ ഒന്ടെങ്കിലും റൂള്‍സ് ഒന്ടെലും ഈ പെണ്‍കുട്ടികള്‍ക്കെല്ലാം എല്‍ എച്ച് മുടിഞ്ഞ ഇഷ്ടം ആണു .. ബെസ്റ്റ് പാര്‍ട്ട്‌ ഓഫ് ലൈഫ് ആരുന്നു അവിടെ ന്നൊക്കെ പറയുന്ന കേള്‍ക്കാം .ഈ പോസ്റ്റ്‌ ലവര്‍ക്കൊക്കെ ആയി ഡഡിക്കെറ്റ് ചെയ്യുന്നു

Wednesday, November 10, 2010

കുടഗിലെക്കൊരു യാത്ര

കഴിഞ്ഞ ഞായറാഴ്ച കൂര്‍ഗ് കൂര്‍ഗ് ന്നു വിളിക്കുന്ന കുടഗിലേക്ക് ഒന്ന് പോയി , പ്ലാന്‍ ചെയ്യാണ്ട് ട്രിപ്പ്‌പോവുന്നതാണല്ലോ അതിന്റെ ഒരു ഇത് , യേത് .
ശനിയാഴ്ച രാത്രി ഒരു പതിനൊന്നു മണി ആവുമ്പോ ഒരുത്തന്‍ വിളിച്ചു ..
ലവന്‍ : ഡാ കൂര്‍ഗില്‍ പോവാം .. നാളെ രാവിലെ
ഞാന്‍ : പോവാല്ലോ .. എപ്പ മടക്കം ..??
ലവന്‍ : തിങ്കളാഴ്ച
ഞാന്‍ : അപ്പ താമസം ???
ലവന്‍ : ഹോം സ്റ്റേ ..
ഞാന്‍ : ബുക്ക്‌ ചെയ്തോ
ലവന്‍ : അതൊന്നും ഇല്ല .. കിട്ടിയാല്‍ ഹോം സ്റ്റേ .. അല്ലേല്‍ കാര്‍ സ്റ്റേ ..
ഞാന്‍ : വെരി ഗുഡ് ..
ലവന്‍ : അപ്പൊ നാളെ രാവിലെ നാലരക്ക് കാണാം .. കിട്ടിയാല്‍ ഹോം അല്ലേല്‍ കാര്‍ ) , പിറ്റേന്ന്ദുബാരി ഫോറെസ്റ്റ് , ടിബറ്റന്‍ സെറ്റില്മെന്റ്റ് ഇത് രണ്ടും കാണുക തിരിച്ചു പോരുക .

കൊടഗു :
ബ്രിടീഷുകാര്‍ കൂര്‍ഗ് ന്നു വിളിച്ച സ്ഥലം . കര്‍ണാടകത്തിന്റെ തെക്ക് പടിഞ്ഞാറ് ഭാഗത്ത്‌ ഉള്ള ഒരു ജില്ല .. തെക്ക് ഭാഗം വയനാട് ജില്ല . തെക്ക് പടിഞ്ഞാറ് കണ്ണൂര്‍ . വടക്ക് ഹസ്സന്‍ , കിഴക്ക് മൈസൂര്‍ ജില്ല . അങ്ങനെ ആണു അതിരുകള്‍ . പ്രധാനമായും കാപ്പി ആണു വരുമാന മാര്‍ഗം പിന്നെ ടൂറിസം . മടിക്കേരി ആണു ജില്ലാ ആസ്ഥാനം. കൊടവര്‍ ആണു അവിടുതുകാരില്‍ പ്രമുഖര്‍ , പിന്നെ കുടിയേറി വന്ന മലയാളികളും , കുറച്ചു ആദിവാസികളും . മിക്ക കൊടവരുടെയും വീട്ടില്‍ തോക്ക് കാണും ., നോട്ട് ദി പോയിന്റ്‌ . അവിടെ പോയി അഹങ്കാരം കാണിച്ച വെര്‍തെ തോക്കിന്റെ മുന്നില്‍ ഇരട്ട ചങ്ക് കാണിച്ചു നിക്കണ്ടി വരും .


ബാംഗ്ലൂര്‍ ന്നു ഏകദേശം 260 കിലോമീറ്റര്‍ ദൂരെ ആണു ഇരുപ്പു ഫാള്‍സ് . വെളുപ്പിന് നാലരക്ക് തന്നെ ബാംഗ്ലൂര്‍ ന്നു പുറപ്പെട്ടു , ഒരു ആറു മണി ആയപ്പോ തന്നെ ബ്രേക്ക്‌ ഫാസ്റ്റ് ,ബ്രേക്ക്‌ ഫാസ്റ്റ് ന്നു ഓരോരുത്തര്‍ പറഞ്ഞു തുടങ്ങി , വിശപ്പിന്റെ അസുഖം ഉള്ളവരായിരുന്നു കൂടുതല്‍ പേരും. അത് കൊണ്ടു മൈസൂര്‍ റോഡ്‌ ഇല്‍ കുറച്ചു പോവുമ്പോള്‍ വലതുവശത്ത് വരുന്ന കാമത്ത് റെസ്ടോരന്റ് ഇല്‍ കയറി ഇഡലി വട തട്ടി . ഇഡലി ഒരു പ്രത്യേക രീതീല ഉണ്ടാക്കുന്നേ , പനയുടെ ഓലയില്‍ പൊതിഞ്ഞു . നല്ല ടേസ്റ്റ്
. അപ്പോളേക്കും കൂടെ ഉള്ള ഒരാള്‍ടെ ഫ്രണ്ട് ഉം ആ ഫ്രണ്ട് ന്റെ രണ്ടു ചേട്ടന്മാരും വേറെ ഒരു കാറില്‍ അവിടെ എത്തി . അവരും ഞങ്ങള്‍ പോവുന്ന സ്ഥലങ്ങള്‍ കാണാന്‍ ഇറങ്ങിയതാരുന്നു . മൈസൂര്‍ വെച്ചു കാണാം എന്നും പറഞ്ഞു ഞങ്ങള്‍ പുറപ്പെട്ടു , വിത്ത്‌ പഞ്ജാബി സോന്‍ഗ് .. ദ്ര്ര്ര്‍ .... ഹുടിപ്പാ ... ന്റമ്മോ ...

ഈ ഇന്‍ഫോസിസ് ഇല്‍ പണി എടുക്കുന്നോര്‍ക്ക് ഒരു പ്രശ്നമൊണ്ട് മൈസൂര്‍ വഴി പോയാല്‍ പിന്നെ അവരടെ കാമ്പസ് കാണണം , പോകുന്ന വഴിക്ക് അതും റോഡില്‍ നിന്നു കണ്ടു , അകത്തു കേറാന്‍ പറ്റിയില്ല . മൈസൂര്‍ കഴിഞ്ഞു ഹുന്സൂര്‍ എത്തുമ്പോള്‍ , ഹുന്സൂര്‍ എത്തുന്നതിനു തൊട്ടു മുന്നേ ഒന്ന് ശ്രദ്ധിക്കണം അവിടുന്ന് ഇടത്തോട്ട് തിരിയണം , നാഗര്‍ഹോളെ നാഷണല്‍ പാര്‍ക്ക്‌ ( ഇപ്പൊ രാജീവ് ഗാന്ധി നാഷണല്‍ പാര്‍ക്ക്‌ ന്നു അറിയപ്പെടുന്നു ) എന്ന് ഒരു ബോര്‍ഡ് കാണും , വൈകിട്ട് ആറു മുതല്‍ രാവിലെ ആറു വരെ യാത്രാ നിയന്ത്രണം ഉണ്ട് അവിടെ. കഴിഞ്ഞ വര്‍ഷം ബ്രഹ്മഗിരി പോയപ്പോള്‍ നഗര്‍ഹോലെ ചെക്ക്‌ പോസ്റ്റില്‍ രണ്ടു മൂന്നു മണിക്കൂര്‍ കാത്തു കിടന്നാരുന്നു . കാട്ടിനകത്തു കൂടി മുപ്പതു കിലോമീറ്ററോളം യാത്ര ചെയ്യണം , ഭാഗ്യമുണ്ടെങ്കില്‍ മൃഗങ്ങളെ കാണാന്‍ പറ്റും . വഴി നീളെ പുലിയുണ്ട് ആനയുണ്ട് കടുവ ഉണ്ട് എന്നൊക്കെ ബോര്‍ഡ് കാണാം , ആകെ കാണാന്‍ കിട്ടീത് കുറെ മാന്‍കൂട്ടങ്ങളും ഒരു മയിലും മാത്രം . കഴിഞ്ഞ തവണ പോയപ്പോള്‍ ഒരു ആനക്കൂട്ടതെയും ഒരു ഒറ്റയാനേം കാണാന്‍ കിട്ടിയിരുന്നു .




നാഗര്‍ഹോളെ ഇല്‍ വെച്ചു ക്യാമറ യില്‍ പതിഞ്ഞത്


ഉച്ച ആയപ്പോലെക്കും കുട്ട എന്ന സ്ഥലത്തെത്തി , ഇത് കേരള കര്‍ണാടക അതിര്‍ത്തിയിലെ ഒരു സ്ഥലം ആണു , കര്‍ണാടകത്തില്‍ ആണു സ്ഥലമെങ്കിലും മലയാളികള്‍ ധാരാളം ഉണ്ട് , പതിവ് പോലെ കടകളും ഹോട്ടെലുകളും ഒക്കെ മലയാളികള്‍ ആണു നടത്തുന്നത് . ഭാഗം സൌത്ത് കൂര്‍ഗ് ആണു . കുട്ടയില്‍ നിന്നും ഒരു ഒന്‍പതു കിലോമീറ്റെര്‍ ദൂരെ ആണു ഇരുപ്പു ഫാള്‍സ് , കുട്ടയില്‍ നിന്നു ഒരു മലയാളി ഹോട്ടല്‍ ന്നു ഉച്ച ശാപ്പാട് അടിച്ച ശേഷം ഇരുപ്പുഫാള്‍സിലേക്ക് പോയി . പഞ്ചാബിക്ക് മ്മടെ കേരള പൊറോട്ട പെരുത്തിഷ്ടപ്പെട്ടു . രാമേശ്വരക്ഷേത്രം എന്ന് പേരുള്ള ഒരു ശിവ ക്ഷേത്രത്തിനു സമീപം വരെ കാര്‍ പോവും , ലക്ഷ്മണതീര്‍ത്ഥ എന്ന ഒരു കൊച്ച് ആറിന്റെ തീരത്താണ് അമ്പലം . ശിവരാത്രി ആണു ഇവിടുത്തെ ഏറ്റവും പ്രാധാന്യമുള്ള ദിവസം. ലക്ഷ്മണതീര്‍ത്ഥ എന്ന പേര് വന്നതിനു പിന്നില്‍ ഒരു കഥ ഉണ്ട് , രാവണേട്ടന്‍ സീതെച്ചിനെ അടിച്ചു മാറ്റി പോയ ടൈം . പുള്ളിക്കാരിയെ അന്വേഷിച്ചു രാം ആന്‍ഡ്‌ ലക്ഷ്മണ്‍ കാടായ കാട് മുഴുവന്‍ നടക്കുവാരുന്നു . ബ്രഹ്മഗിരി ഫോറെസ്റ്റ് റെയിഞ്ചില്‍ എത്തീപ്പോ രാം നു ദാഹം തോന്നി . വീ വീ എസ് ലക്ഷ്മണ്‍ നോട് പറഞ്ഞു തമ്പി, എട്ടന് ദാഹിക്കുന്നു , കുറച്ചു മിനെരല്‍ വാട്ടര്‍ കിട്ടിയിരുന്നെങ്കില്‍ .... ആസ് യൂഷ്വല്‍ , ലക്ഷ്മണ്‍ ഒരു ആരോ എടുത്തു എയ്തു, ആരോ കൊണ്ട സ്ഥലതൂന്നു മിനെരല്‍ വാട്ടര്‍ ധാര ധാര ആയി ഒഴുകി . അങ്ങനെ പേരും വന്നു ലക്ഷ്മണതീര്‍ത്ഥ . ഇതില്‍ കുളിച്ചാല്‍ പാപം മൊത്തം പോവുമത്രേ . പാപം പോയില്ലെലും അഴുക്കു പോവും . അമ്പലത്തിന്റെ അവിടുന്ന് ഒരു ഇരുപതു മുപ്പതു (നടപ്പിന്റെ വേഗം അനുസരിച്ച് ) നടന്നാല്‍ ഇരുപ്പു വെള്ളച്ചാട്ടത്തിന്റെ അടുത്തെത്തും . പോകുന്ന വഴി നല്ല വൃത്തിയായി പടവുകള്‍ ഒക്കെ കെട്ടി വെച്ചിട്ടുണ്ട് . പിന്നെ വഴിയില്‍ ഒരു കൊച്ച് തൂക്കുപാലവും ഉണ്ട് . ഇരുപ്പു ഫാള്‍സ് ന്റെ ഒരു പ്രത്യേകത
വെള്ളച്ചാട്ടത്തിന്റെ നേരെ താഴെ പോയി നിന്നു കുളിക്കാം എന്നതാ . കുറെ പേര് അവിടെ നിന്നു കുളിക്കുന്നുണ്ടാരുന്നു . വെള്ളച്ചാട്ടം രണ്ടു ഫേസ് ആയാണ് പതിക്കുന്നത് . കാണാന്‍ ഭംഗിയുള്ള ഒരു വെള്ളച്ചാട്ടം ആണു . വെള്ളത്തിന്റെ അലെര്‍ജി ഉള്ളതോണ്ട്‌ ഞാന്‍ കുളിക്കാനൊന്നും പോയില്ല .

അട്ട കടിക്കാതെ ഇരിക്കാന്‍ വേണ്ടി പുകല കാലില്‍ തേക്കുന്ന ഒരു പടം



കൊള്ളാം ല്ലേ ഇരുപ്പു വെള്ളച്ചാട്ടം


ഒരുപാട് പാപം ചെയ്തവര്‍ കുളിച്ചു പാപം കളയാന്‍ ശ്രമിക്കുന്നു .. നമ്മക്ക് അതിന്റെ ആവശ്യമില്ലല്ലോ


വെള്ളച്ചാട്ടം കാഴ്ച ഒക്കെ കണ്ടു തിരിച്ചു രാമേശ്വരം അമ്പലത്തിന്റെ അടുത്ത് വന്നു . അപ്പൊ പെരുമഴ തുടങ്ങി , കുറച്ചു സമയം കാത്തു നോക്കി മഴ കുറഞ്ഞില്ല , പിന്നെ ചാടി ഓടി കാറില്‍ കേറി മടിക്കെരിക്ക് . ഗോനിക്കൊപ്പ വിരാജ്പെട്ട വഴി ആണു മടിക്കെരിക്ക് പോയത് . ഏകദേശം 120 കി മി ദൂരം ഉണ്ട് മടിക്കെരിക്ക് . വഴി അത്ര നന്നല്ല . പെരുമഴ ആയതു കൊണ്ടു സീനറി അത്ര നന്നായി കാണാനും പറ്റിയില്ല . കാലവസ്ഥക്കാര് പറയുന്ന പോലെ കനത്ത മഴ ആരുന്നു . പോകുന്ന വഴി ഫോണ്‍ വിളിച്ചു ഒരു ഹോം സ്റ്റേ ശരിയാക്കി . ഡിന്നര്‍ ആന്‍ഡ്‌ ബ്രേക്ഫാസ്റ്റ് അടക്കം 600 രൂപ പെര്‍ തല . തരക്കെടില്ലന്നു തോന്നി .

മടിക്കേരി ന്നു ഒരു പത്തു കിലോമീറ്റര്‍ ദൂരെ ആണു ഹോംസ്റ്റേ . ഒരു കാപ്പിതോട്ടത്തിന്റെ നടുക്ക് .. ഒരു പുത്തന്‍ വീട് . വല്ല്യ മൂന്നു മുറികള്‍ ഹാള്‍ , ഡൈനിങ്ങ്‌ റൂം .. കിച്ചന്‍ .. മൊത്തത്തില്‍ നല്ല സെറ്റപ്പ് . ഒരു മണിക്കൂര്‍ കഴിഞ്ഞപ്പോള്‍ ഫുഡ്‌ എത്തി . ഇടിയപ്പം , ചപ്പാത്തി , ചോറ് , രസം , സാമ്പാര്‍ എല്ലാം ഉണ്ടാരുന്നു .. അയ്യോ .. ചിക്കന്‍ കറി ഉം .. അടിപൊളി ആരുന്നു . രാവിലെ നേരത്തെ എണീറ്റതിന്റെം പിന്നെ യാത്രയുടെം ക്ഷീണം കാരണം പെട്ടെന്ന് കംബിളിപ്പുതപ്പിന്റെ അടിയില്‍ അഭയം പ്രാപിച്ചു , മഴ പെയ്ത കാരണം പതിവിലും കൂടുതല്‍ തണുപ്പുണ്ടായിരുന്നു എന്ന് ഹോം സ്റ്റേ ശരിയാക്കി തന്ന ആള്‍ പറഞ്ഞു . രാവിലെ ഏഴര ആയപ്പോള്‍ മുതല്‍ ബാക്കി ഉള്ളവരെ കുതിപ്പൊക്കാന്‍ ശ്രമം തുടങ്ങി . എട്ടരയോടെ ബ്രേക്ക്‌ ഫാസ്റ്റ് വന്നു . അതൊക്കെ കഴിച്ചു പിന്നേം പായ്ക്ക് അപ്പ്‌ ചെയ്തപ്പോഴേക്കും ഒന്പതരയോളം ആയി സമയം . ആകെ രണ്ടു സ്ഥലങ്ങള്‍ ആണു അന്ന് കാണാന്‍ തീരുമാനിച്ചത് ദുബാരി ഫോറെസ്റ്റ് പിന്നെ കുശാല്‍ നഗര്‍ ലെ ഗോള്‍ഡന്‍ ടെമ്പിള്‍ .

അങ്ങനെ മടിക്കെരിന്നു മൈസൂര്‍ ഭാഗത്തേക്ക് ഒരു ഇരുപതു കി മി സഞ്ചരിച്ചു വലത്തോട്ട് തിരിഞ്ഞു ഒരു ഒന്‍പതു കി മി സഞ്ചരിച്ചാല്‍ ദുബാരി എത്തും . വഴിക്കൂന്നു ഫോടോ ഒക്കെ പിടിച്ചു വന്നപ്പോളേക്കും പതിനൊന്നര കഴിഞ്ഞിരുന്നു . അവിടെ ഉള്ള ഒരു അട്രാക്ഷന്‍ ആനപ്പുറത്ത് ഉള്ള സവാരി ആണു . പക്ഷെ രാവിലെ ഏഴു മുതല്‍ പന്ത്രണ്ടു വരെയേ പരിപാടി ഉള്ളു. ( ആനപ്പുറത്ത് കേറണം ന്നു ഉള്ളവര്‍ നേരത്തെ എണീറ്റു ചെന്നോണം ) . പിന്നെ അവിടെ ഉള്ളത് റിവര്‍ റാഫ്ടിംഗ് എന്ന സംഭവം ആണു . സംഭവം ഒരു സംഭാവാട്ടാ . രണ്ടു ഓപ്ഷന്‍സ് ആണു ഉള്ളത് , നൂറു രൂപ കൊടുത്താല്‍ സ്റ്റില്‍ വാട്ടര്‍ റാഫ്ടിംഗ് , അറുന്നൂറു രൂപ കൊടുത്താല്‍ ഒരു ഏഴു കിലോമീറ്റെര്‍ റാഫ്ടിംഗ് . അതില്‍ രാപിട്സ് ന്നു വിളിക്കുന്ന ചില സ്ഥലങ്ങള്‍ ഉണ്ട് . വെള്ളം അല്പം സ്പീഡില്‍ കുത്തി ഒലിച്ചു പോവുന്ന സ്ഥലം . ഫയങ്കര ത്രില്ലിംഗ് ആണത്രേ . ടീ വീ ല്‍ കണ്ടുള്ള പരിചയം ഉണ്ട് . ടൈറ്റാനിക് പടത്തിലെ ജാക്കിനും റോസ് നും കപ്പല് മുങ്ങാന്‍ പോവുമ്പോള്‍ ലൈഫ് ജാക്കറ്റ് കൊടുക്കൂല്ലേ അതുമാതിരി ലൈഫ് ജാക്കറ്റ് പിന്നെ ഹെല്‍മെറ്റ്‌ ഒക്കെ തന്നു .ഹെല്‍മെറ്റ്‌ എന്തിനാ വെറുതെ എന്നൊക്കെ ഒരു കാപാലികന്‍ ചോദിക്കുന്നുണ്ടായിരുന്നു . റാഫ്ടില്‍ നമ്മള്‍ടെ കൂടെ ഒരു ക്യാപ്റ്റന്‍ ഉം വരും . പുള്ളി ആണു ഇതിലെ പോവണം ന്നു തീരുമാനിക്കുന്നെ . ആദ്യം കൊറേ നിര്‍ദേശങ്ങള്‍ തന്നു .
തുഴ പിടിക്കേണ്ട വിധം . പിന്നെ കൊറേ കമ്മാണ്ട്സ് .

>> ഫോര്‍വേഡ് - ഇങ്ങനെ പറയുമ്പോള്‍ മുന്നോട്ടു തുഴയണം .
>> ബാക്ക്വേര്‍ഡ്‌ - ഓഫ്കോഴ്സ് പിന്നാട്ടു തുഴയണം
>> ഗെറ്റ് ഇന്‍ - തുഴ ഒക്കെ രാഫ്ടിന്റെ ഉള്ളില്‍ വെച്ചു രാഫ്ടിന്റെ ഉള്ളിലേക്ക് ഇരിക്കണം
>>ഹോള്‍ഡ്‌ റോപ് - രാഫ്ടിന്റെ സൈഡ് ഇല്‍ കയറുണ്ട്‌ അതില്‍ മുറുക്കെ പിടിച്ചോണം .

ഇതിന്റെ റിഹേഴ്സല്‍ ഒക്കെ കഴിഞ്ഞു തുഴച്ചില്‍ തുടങ്ങി . കുറച്ചു ദൂരം എത്തീപ്പോ മ്മടെ മച്ചാന്‍ ക്യാപ്റ്റന്‍ ജാക്ക് സ്പാരോ പറയുവാ , ജമ്പ് ന്നു . അങ്ങനെ ഒരു കമാന്റ് പറഞ്ഞില്ലരുന്നല്ലോ . എല്ലാരും ഒന്നും മനസ്സിലാവാത്ത പോലെ ഇരുന്നു . അന്നേരം മി . ജാക്ക് സ്പാരോ : ജമ്പ് ജമ്പ് .. പറഞ്ഞാ മനസ്സിലാവുല്ലേ ന്നു . ഞാന്‍ മനസ്സില്‍ .. മാതാവേ യെവന്‍ എന്ത് ഉദ്ദേശിച്ചാ ? അറുന്നൂറു രൂപ കൊടുത്തും പോയി . ഞാന്‍ പറഞ്ഞു .. എനിച്ചു നീന്തല്‍ അറിഞ്ഞൂടാ .
ലവന്‍ : അതിനല്ലേ ലൈഫ് ജാക്കറ്റ് .
പിന്നെ ഒന്ന് കൂടെ പറഞ്ഞു . ജമ്പ് !!!
ഒരുത്തന്‍ ചാടി , അവന്‍ ഈസി ആയി പൊങ്ങി കിടന്നു .
ക്യാപ്റ്റന്‍ എന്നോട് .. കണ്ടോ അവന്‍ ഫ്ലോട്ട് ചെയ്തു കിടക്കുന്ന കണ്ടോ .
ഞാന്‍ : ലവന് നീന്തല്‍ അറിയാം . ബൈ ദി വേ എത്ര ആഴം കാണും
ക്യാപ്റ്റന്‍ : ഒരു 40 ഫീറ്റ്‌ കാണും.
ഞാന്‍ : 40 ഫീറ്റ ..ന്റമ്മോ ..
ക്യാപ്റ്റന്‍ : ചില സ്ഥലത്ത് 30 ഫീറ്റെ ഒള്ളു .
ഞാന്‍ : ഹോ സമാധാനമായി .. . അഞ്ചര അടിക്കു മേലെ എല്ലാം എനിക്ക് ഒരുപോലെ ആണു മച്ചൂ ....
ക്യാപ്റ്റന്‍ : എടൊ ലൈഫ് ജാക്കറ്റ് നു 180 കിലോ കപാസിറ്റി ഒണ്ടു .
ഞാന്‍ : (മനസ്സില്‍) പോടാ പുല്ലേ , ഇച്ചരെ തടി ഉണ്ടെന്നും വെച്ചും 180 വരെ താങ്ങും പോലും .. . ഡാ രാസ്കലെ .. അവന്‍ എന്നെ കളിയാക്കുവാ ...

പിന്നെ ജാക്കിനേം റോസിനേം ഒക്കെ മനസ്സില്‍ വെച്ചു വെള്ളത്തിലേക്ക്‌ ചാടി . കൂള്‍ ആയി ഫ്ലോട്ട് ചെയ്തു കിടന്നു .. കൊള്ളാല്ലോ ലൈഫ് ജാക്കറ്റ് . ഇനി നാട്ടില്‍ പോവുമ്പോ ഇതൊക്കെ ഇട്ടോണ്ട് വേണം പോവാന്‍ . പേടിക്കാണ്ട് പഞ്ചായത്ത് കുളത്തിന്റെ മതിലേല്‍ ഒക്കെ കേറി നിക്കാല്ലോ .
വെള്ളത്തില്‍ ഇറങ്ങുന്നത് അത്ര പ്രയാസമില്ല . ബട്ട്‌ തിരിച്ചു കേറാന്‍ ഇച്ചരെ പാടാ , ലൈഫ് ജാക്കട്ടേല്‍ പിടിച്ചു വലിച്ചു തൂക്കി അങ്ങ് ഇടും . കുറച്ചു താഴോട്ടു പോയപ്പോ ഒരു റാപ്പിഡ് വന്നു . ക്യാപ്റ്റന്‍ ന്റെ കമാന്റ്സ് ഒന്നും കേട്ടില്ല രാഫ്റ്റ് ഏറ്റവും സ്പീഡ് കൂടിയ സ്ഥലത്തൂടെ പോവുവാരുന്നു . എന്റെ ഓപ്പോസിറ്റ് ഇരുന്നവന്‍ , ഹെല്‍മെറ്റ്‌ ഒക്കെ എന്തിനാന്നു ചോദിച്ചവന്‍ തെറിച്ചങ്ങ് പോയി .. നേരെ ഒരു പാറയില്‍ ചെന്നു വീണു . ഹെല്‍മെറ്റ്‌ ചെന്നാ അടിച്ചത് അല്ലെങ്കില്‍ ഇങ്കുലാബ് സിന്ദാബാദ് ആയേനെ . ഹ്മ്മം .. റാഫ്റ്റ് മുന്നോട്ടു പോയി . പിന്നെ ക്യാപ്റ്റന്‍ കഷ്ടപ്പെട്ട് ലവനെ തിരിച്ചു കേറ്റി . അപ്പൊ എല്ലാരുടെം നെഞ്ചില്‍ ഒരു ബ്രേക്ക്‌ ഡാന്‍സ് നടന്നു . അടുത്ത റാപിഡ് എത്തി ... ഡിം ദേ കിടക്കുന്നു മൂന്നെണ്ണം വെള്ളത്തില്‍ . ഒരുത്തന്‍ ഒലിച്ചു ഒലിച്ചു അങ്ങ് പോയി .. കാപ്ടാ ലോണ്ട് ഒരുത്തന്‍ ഒലിച്ചു പോവുന്നു . ക്യാപ്റ്റന്‍ ആസ് കൂള്‍ ആസ് ഐസ് . .. മാക്സിമം കേ ആര്‍ എസ് വരെ പോവും . (മൈസൂര്‍ ഉള്ള ഡാം ഇല്ലേ .. അതാ കേ ആര്‍ എസ് ) . ബെസ്റ്റ് കണ്ണാ ബെസ്റ്റ് .. വളരെ നന്നായി . ക്യാപ്റ്റന്‍ ആണെങ്കില്‍ അവന്റെ കയ്യിന്നു പോയ തുഴ പിടിക്കാന്‍ വേണ്ടി ചാടി ഒരു നീന്തല്‍ . ഒരു പത്തു മിനിറ്റ് കഴിഞ്ഞു ലവനെ രക്ഷിച്ചു . നല്ല രസമാരുന്നു അവന്റെ ഫേസ് കാണാന്‍ ഹി ഹീ . അങ്ങനെ തുഴച്ചില്‍ ഒക്കെ കഴിഞ്ഞു തീരത്തെത്തി . ജീപ്പില്‍ രാഫ്ടിംഗ് സ്റ്റാര്‍ട്ട്‌ ചെയ്താ സ്ഥലത്തെത്തി . വേഷഭൂഷകള്‍ ഒക്കെ മാറി. അപ്പോളേക്കും മുടിഞ്ഞ വിശപ്പ്‌ തുടങ്ങി . നേരെ പോയി ലഞ്ച് കഴിച്ചു . അവിടുന്ന് കുശാല്‍ നഗര്‍ ലേക്ക് .





ഒരുത്തന്റെ കാനന്‍ ല് പതിഞ്ഞ പടങ്ങള്‍ .. ക്യാമറ വെള്ളത്തില്‍ പോയി . അതിന്റെ പണി തീര്‍ന്നു . മെമ്മറി കാര്‍ഡ്‌ റീഡ് ചെയ്താ കൊണ്ടു പടമെങ്കിലും കിട്ടി .


മൈസൂര്‍ റോഡില്‍ ഒരു ഇരുപതു കിലോമീറ്റെര്‍ കൂടെ പോയി ഒരു റൈറ്റ് എടുത്താല്‍ കുശാല്‍ നഗര്‍ എത്തും . തിബറ്റിന്റെ ഒരു കൊച്ച് സാമ്പിള്‍ ആണു സ്ഥലം . ബുദ്ധ സന്യാസിമാരുടെ ഒരു പരിശീലന കേന്ദ്രം . മനോഹരമായ ഗോള്‍ഡന്‍ ടെമ്പിള്‍ . പിന്നെ തിബറ്റന്‍ കരകൌശല സാധനങ്ങള്‍ വില്‍ക്കുന്ന സ്ഥലം . അതൊക്കെ നടന്നു കണ്ടു , കുറച്ചു ഫോട്ടോസ് ഒക്കെ പിടിച്ചു അവിടുന്ന് തിരിച്ചു ബാംഗ്ലൂര്‍ ലേക്ക് .


ഒരു തിബറ്റന്‍ ബുദ്ധ സന്യാസിയോടൊപ്പം - ഇതിനാണ് കോണ്ട്രാസ്റ്റ് എന്ന് പറയുക



ഗോള്‍ഡന്‍ ടെമ്പിള്‍

മോനെസ്റ്റെരി ലോട്ടുള്ള കവാടം


ഗോള്‍ഡന്‍ ടെമ്പിള്‍ ... വീണ്ടും

പഠിച്ച പാഠം :
ബാംഗ്ലൂര്‍ ന്നു കൂര്‍ഗ് കാണാന്‍ പോവുമ്പോള്‍ ഇരുപ്പു ഫാള്‍സ് ഉള്പ്പെടുതണ്ട ന്നു തോന്നുന്നു .. ഒരുപാട് ഡ്രൈവ് ഉണ്ട് , പിന്നെ ഒരു ദിവസം മൊത്തം വേണം . അത് കൊണ്ടു നേരെ മടിക്കെരിക്ക് പോയാല്‍ , തലൈ കാവേരി, അബേ ഫാള്‍സ് , ഒമ്കരെശ്വര ടെമ്പിള്‍ അങ്ങനെ പലതും കാണാന്‍ പറ്റും .. അതൊക്കെ മിസ്സ്‌ ആയി .. ആഹ് ഇനി ഒരിക്കല്‍ പോയി അതൊക്കെ കാണണം .






Tuesday, November 9, 2010

അലഭ്യലഭ്യശ്രീ

എനിക്ക് അലഭ്യലഭ്യശ്രീ യോഗം ഉണ്ട് ..

ചെന്നൈ ഇല്‍ ആരിക്കുമ്പോള്‍ എന്റെ എനിക്ക് അഞ്ചു റൂം മേറ്റ്സ് ഒന്ടരുന്നു ..

രണ്ടു പേര്‍ക്ക് ഞാന്‍ L1 വിസ എടുത്തു കൊടുത്തു യു എസ് ലേക്ക് അയച്ചു .

രണ്ടെണ്ണതിനു H1 വിസ എടുത്തു കൊടുത്തു യു എസ് ലേക്ക് അയച്ചു

ഒരെണ്ണതിനു ഷെങ്കന്‍ വിസ എടുത്തു ജെര്‍മനിക്ക് പറഞ്ഞു വിട്ടു .

ബാംഗ്ലൂര്‍ ഇല്‍ വന്നപ്പോ .. ആദ്യം നാല് റൂം മേറ്റ്സ് ഉണ്ടാരുന്നു ..

ഒരുത്തനെ സിങ്കപ്പൂര്‍ ക്ക് പറഞ്ഞു വിട്ടു

അടുത്തവനെ ആദ്യം നോര്‍വെക്കും പിന്നെ ഒസ്ട്രലിയക്കും പറഞ്ഞു വിട്ടു

അടുത്തവനെ കെട്ടിച്ചു വിട്ടു

വേറെ ഒരുത്തനെ H1 വിസ എടുത്തു കൊടുത്തു യു എസ് ലേക്ക് അയച്ചു

പകരം വന്നവനെ യു കേ ലോട്ട് പറഞ്ഞു വിട്ടു ..

പിന്നെ രണ്ടെണ്ണം വന്നു .. ദേ രണ്ടെണ്ണതിനേം കെട്ടിച്ചു വിടാന്‍ പോവുന്നു ..

ആര്‍ക്കേലും കല്ല്യാണം ഓണ്‍സൈറ്റ് അങ്ങനെ വല്ല ആഗ്രഹവും ഉണ്ടെങ്കില്‍ ന്റെ വീട്ടിലോട്ടു പോര് . .

gplus utube buzz