Wednesday, September 14, 2011

കണ്ടത് പറഞ്ഞാല്‍ - സെവന്‍സ്



ഇന്നലെ അത്താഴം കഴിചോണ്ടിരുന്നപ്പോ ഒരു വിളി .. സെവന്‍സ് കാണാം . അന്വേഷിച്ചപ്പോ കഴക്കൂട്ടത്ത് പടം ഓടുന്നുണ്ട് ..പോയേക്കാം ,

ജോഷിയുടെ പതിവ് പടങ്ങളില്‍ നിന്നുള്ള ആകെ വ്യത്യാസം സൂപ്പര്‍ താരങ്ങള്‍ ഇല്ല എന്നത് മാത്രം . കഥയില്ലായ്മയും , അനീതിക്കെതിരെ ഉള്ള പോരാട്ടവും ഒക്കെ പതിവ് പോലെ തന്നെ . ഫുട്ബോള്‍ ന്റെ ഒരു പശ്ചാത്തലം ഉണ്ട് , അതും ഇപ്പൊ പുതുമ അല്ലല്ലോ :)

ഏഴെട്ടു ചെറുപ്പക്കാരെ കേന്ദ്രീകരിച്ചുള്ള കഥ , പിന്നെ ഇപ്പോഴത്തെ ട്രെന്‍ഡ് ആയ ക്വട്ടേഷന്‍ സംഘങ്ങള്‍ , പോലീസ് , പ്രേമം , പ്രേമം പോലെ എന്തോ ഒന്ന് , ചുമ്മാ രണ്ടു നായികമാര്‍ ,വില്ലന്‍ ആങ്ങള , ലവന്റെ മാനസാന്തരം, ഉപദേശം , എല്ലാവരും ഊഹിക്കുന്ന , എന്നാല്‍ സംവിധായകന്‍ ട്വിസ്റ്റ്‌ ആണെന്ന് വിചാരിക്കുന്ന ഒരു വില്ലന്‍ ...... ത്ഫൂ ! ഇതൊക്കെ തന്നെ പടം .

അപ്പന്‍ പോലീസില്‍ ആയിരിക്കണം ., പുള്ളി ഏറ്റുമുട്ടലില്‍ മരിക്കണം എന്നാലെ ആദര്‍ശ ധീര (ന്‍) യായ ഒരു പോലീസ് ഓഫീസര്‍ മകള്‍ ( ന്‍ ) ഉണ്ടാവൂ എന്ന് എല്ലാ സില്മാക്കാരും അങ്ങ് തീരുമാനിച്ചു വെച്ച്ചേക്കുവാണോ ?

എല്‍ പീ സ്കൂള്‍ ടീച്ചര്‍മാര്‍ , എല്ലാവരെയും പിള്ളാരായി കാണുന്നതൊക്കെ കണ്ടു കണ്ടു ബോറടിച്ചു .. പിന്നെ കൂട്ടുകാരുടെ ... ഡാ നമുക്കെന്നും ഓര്‍ക്കാന്‍ നമ്മുടെ ഒരു സുന്ദര സുരഭില ഫ്രണ്ട്ഷിപ്‌ കാലം ഉണ്ടല്ലോ എന്ന ചീഞ്ഞ ഡയലോഗ് .

ഓര്‍മിക്കാന്‍ ഒരു സീനോ, തമാശയോ , അഭിനയമോ , പാട്ടോ ഒന്നുമില്ല .. :-|

പടത്തില്‍ മൊത്തം ഒന്നും ഇല്ലാത്ത കൊണ്ടായിരിക്കും , നദിയ മൊയ്തു ട്രാക്ക് സ്യൂട്ട് ഇട്ടു ജോഗിംഗ് ചെയ്യുന്ന സീനിനു കാഴ്ചക്കാര്‍ കയ്യടിക്കുന്നുണ്ടായിരുന്നു . ഉപദേശം ഒരു പരിധി കടന്നപ്പോള്‍ നല്ല രീതിയില്‍ കൂവലും .. സെന്റി ഡയലോഗ് നു അത് പോലെ തന്നെ മതിയേന്നുള്ള നിലവിളിയും ഉണ്ടായിരുന്നു .

കൊച്ചു കുട്ടികളെ ഈ പടം കാണിക്കരുത് എന്നാണു എന്റെ അഭിപ്രായം .. അല്പം ഭീകരമായ വയലന്‍സ് സീനുകള്‍ ഉണ്ട് .. പിള്ളാര്‍ ഇതൊന്നും കാണുന്നില്ല എന്നല്ല , എങ്കിലും ...

ഇന്‍ ഷോര്‍ട്ട് : ടിക്കറ്റെടുത്തു .. കണ്ടു .. ബോറടിച്ചു !

4 comments:

നിനക്കിങ്ങനെ തന്നെ വരണം !!! സന്തോഷമായലിയാ സന്തോഷമായി... ഹി ഹി ഹി... \o/

gplus utube buzz