ചക്ക ഷേക്ക്‌

ചക്കസീസണ്‍ വരുമ്പൊ നിങ്ങള്‍ക്കും ട്രൈ ചെയ്യാം .... പേടി വേണ്ടാ .. ടെസ്റ്റ് ചെയ്തു വിജയിച്ചതാ

അസ്സൈന്മെന്റ് ചരിതം ആട്ടക്കഥ!

കോളേജ് ലൈഫിലെ ഓര്‍മ്മകളിള്‍ നിന്നൊരു ഏടു ..

Praphul

Go to Blogger edit html and find these sentences.Now replace these sentences with your own descriptions.

Pazhampori

Go to Blogger edit html and find these sentences.Now replace these sentences with your own descriptions.

ഓര്‍മ്മക്കുറിപ്പുകള്‍

ചന്തിയില്‍ പാടുള്ള ഓര്‍മ്മകള്‍ :(

Sunday, September 20, 2009

ഓര്‍മ്മക്കുറിപ്പുകള്‍ (ഓര്‍മയില്‍ ഇല്ലാത്തതും) - 6

അപ്പോളെ പറഞ്ഞില്ലേ !!

കറന്റ്‌ ഇല്ലെങ്കില്‍ കോപ്പാ ! ഇന്നാളു പേപ്പറില്‍ വായിച്ചു ഒരു കൊച്ചു കറന്റ്‌ ഇല്ലാണ്ട് പഠിച്ചു നല്ല മാര്‍ക്ക്‌ മേടിച്ചുന്നു . ഇതില്‍ എന്നതാ ഇത്ര കേമം ? പ്ലഗില്‍ കുത്തിയാല്‍ എളുപ്പത്തില്‍ പഠിക്കാന്‍ പറ്റുന്ന യന്ത്രം വല്ലതുമുണ്ടോ ? കറന്റ്‌ ഉള്ളവര്‍ക്കും ഇല്ലാത്തവര്‍ക്കും പഠിക്കാന്‍ ഡിഫെ
ന്‍സ് വേണമെങ്കില്‍ അങ്ങനെ എന്തെങ്കിലും ഒരു ഡിവൈസ് കാണണം. ഞാന്‍ ആറാം ക്ലാസ്സ്‌ വരെ പഠിച്ചത് കന്റില്‍ കുത്തണ യന്ത്രം കൊണ്ടല്ല , അത് കഴിഞ്ഞു കറന്റ്‌ വന്നപ്പോളും എനിക്ക് യന്ത്രം ഒന്നും കിട്ടിയില്ല മാര്‍കിലും ഒരു വ്യത്യാസവും കണ്ടില്ല . (വ്യത്യാസം വന്നില്ല എന്ന് പറഞ്ഞാല്‍ നുണയാവും, കരണ്ടും കമ്പ്യുട്ടറും കിട്ടിയ സിക്സ്ത് സെമസ്റ്ററില്‍ ആണ് എനിക്ക് ഏറ്റവും "കുറച്ചു" മാര്‍ക്ക്‌ കിട്ടീത്) പഠിച്ചു മാര്‍ക്ക്‌ മേടിച്ചു ,നല്ല കാര്യം ! അതിനു ചുമ്മാ വിശേഷണമായി "കറന്റ്‌ ഇല്ലാണ്ട് ഒലത്തി "എന്നൊക്കെ കാണുമ്പോ എന്തോ ഒരു അസ്കിത (സത്യായിട്ടും മൂല** ന്റെ അല്ലാ ) .

അപ്പൊ പറഞ്ഞു വന്നത് ,ആറാം ക്ലാസ്സ്‌ വരെ ഞാന്‍ താമസിച്ചു പഠിച്ച വാടക വീട്ടില്‍ കറന്റ്‌ ഇല്ലാര്‍ന്നു , അത് കൊണ്ട് പ്രത്യേകിച്ച് (പഠിക്കണ കാര്യത്തില്‍ ) ഗുണമോ ദോഷമോ ഉള്ളതായി തോന്നിയിട്ടില്ല . ഞാന്‍ മൂന്നില്‍ പഠിക്കുമ്പോ ആണ് അമ്മയുടെ വീട്ടില്‍ കറന്റ് കിട്ടണത് , അത് കിട്ടിയപ്പോ 'മാതുലന്‍' ഒരു ടേപ്പ് റെക്കോര്‍ഡ്‌ വാങ്ങി . അതും പറഞ്ഞു കൊണ്ടുള്ള കത്ത് കിട്ടീപ്പോ മുതല്‍ വെകേഷന്‍ ആവാന്‍ കാതിരുപ്പാരുന്നു . 1992 വേള്‍ഡ് കപ്പ്‌ ആണ് ഞാന്‍ ആദ്യായി കാണുന്ന ക്രിക്കറ്റ്‌ വേള്‍ഡ് കപ്പ്‌ . ഫൈനലില്‍ പാക്കിസ്ഥാന്‍ ഇംഗ്ലണ്ടിനെ നേരിടുന്നു , എനിക്ക് ആരെ സപ്പോര്‍ട്ട് ചെയ്യണം എന്ന് ഒടുക്കത്തെ ഡൌട്ട് , പാക്കിസ്ഥാന്‍ ഇന്ത്യേടെ ശത്രു , ഇംഗ്ലണ്ട് ഇന്ത്യയെ അടക്കി ഭരിച്ചവര്‍ . എന്തരോ എന്തോ അവസാനം ഇംഗ്ലണ്ട് തോറ്റു ! ( ഞാന്‍ പാകിസ്ഥാനെ സപ്പോര്‍ട്ട് ചെയ്യാഞ്ഞിട്ടു പോലും) . വീട്ടില്‍ ടി വീ ഇല്ലാത്ത കൊണ്ട്( കറന്റ്‌ ഇല്ലാത്ത കൊണ്ടാ ട്ടോ ടീ വീ ഇല്ലാതിരുന്നെ) അടുത്ത വീട്ടിലാ കാണാന്‍ പോയിക്കൊണ്ടിരുന്നത് . എന്നും ഞായറാഴ്ച രാവിലെ ഒന്‍പതു മണിക്ക് ഞാന്‍ അവിടെ കേറിയാല്‍ ഉച്ചക്ക് കഴിക്കാന്‍ വീട്ടില്‍ വരും പിന്നെ അഞ്ചു മണിക്കുള്ള സിനിമ കാണാന്‍ പോവും എട്ടു മണിക്ക് വരും . . കൊറേ നാള്‍ മഹാഭാരതം ആരുന്നു , പിന്നെ പരം വീര്‍ ചക്ര ,ചന്ദ്രകാന്താ ,
ക്ക്‌ ടൈല്‍സ് , ജങ്ങിള്‍ ബുക്ക്‌ ....അങ്ങനെ കൊറേ സംഭവങ്ങള്‍ !
മൂന്നാം ക്ലാസ്സില്‍ പഠിക്കുമ്പോള്‍ ജില്ലാതല വിജ്ഞ്ഞാനോല്സവത്തില്‍ പങ്കെടുക്കാനുള്ള ഭാഗ്യം ഉണ്ടായി , അന്ന് രാത്രി പാപ്പൂട്ടി മാഷ്‌ നക്ഷത്രങ്ങളെ ഒക്കെ കാട്ടി തന്നു , ആ ജ്യോതിശാസ്ത്ര പ്രാന്ത് കൊറച്ചു നാള്‍ ഉണ്ടാരുന്നു . (അന്നേരം ആ പ്രാന്ത്‌ നിര്തീത് നന്നായി അല്ലെങ്കില്‍ മാത്രുഭുമിടെ ഫ്രന്റ്‌ പേജ് ഇല്‍ ജേക്കബ്‌ എന്റെ ഫോടോ സഹിതം ഇട്ടേനെ .. നോക്കിക്കേ ഇത് വാര്‍ത്ത .... ഇത് സത്യം .. )

നാലാം ക്ലാസ്സില്‍ വെച്ച് എല്‍.എസ്.എസ് പരീക്ഷ എഴുതി . മുപ്പതു രൂപാ ആണ് ഒരു കൊല്ലം കിട്ടണ സ്കൊ
ര്ഷിപ്‌ പരീക്ഷേടെ "V" ഗൈഡ് ന്റെ വില നാല്പതു രൂഫാ ! പരീക്ഷ ഒക്കെ പാസ്സായ അറിയിപ്പ് കിട്ടി, എങ്കിലും സര്‍കാരിന്റെ കൃപ കൊണ്ട് അഞ്ചു പൈസ സ്കൊര്ഷിപ്‌ കിട്ടാന്‍ ഭാഗ്യമുണ്ടായില്ല ! . അഞ്ചാം ക്ലാസില്‍ വെച്ച് വേറൊരു "V" ഗൈഡ് മേടിച്ചു , "ജവഹര്‍ നവോദയ വിദ്യാലയ പ്രവേശന പരീക്ഷ " . നാട്ടില്‍ പോയപ്പോള്‍ ചിലയിടത്തൊക്കെ ബോര്‍ഡ്‌ വെച്ചെക്കുന്നത് കണ്ടാരുന്നു "നവോദയ പരീക്ഷ ട്യൂഷന്‍ " എന്ന് . എന്തരോ എന്തോ! ,ആ "V" ഗൈഡ് ലെ പടങ്ങള്‍ പോലത്തെ പടങ്ങള്‍ നോക്കി , "അത്തള ..പിത്തള. .തവളാച്ചി .." പാടി ,വട്ടങ്ങള്‍ കറക്കി കുത്തി നവോദയ പരീക്ഷ എഴുതി . അങ്ങനെ ആറാം ക്ലാസ്സില്‍ പഠിച്ചുകൊണ്ട്(?????) ഇരിക്കുമ്പോ നവോദയയില്‍ അട്മിഷന്‍ കിട്ടി . ചേരണോ വേണ്ടായോ .. ചേരണോ വേണ്ടയോ എന്ന് കണ്‍ഫൂഷന്‍ ,
അച്ഛന്‍ ചോയിച്ചു : മോനെ പോവണോ .. ??
ഞാന്‍ : രാജീവ്‌ ഗാന്ധി ഭാവി പൌരന്മാരെ വാര്‍ത്തെടുക്കാന്‍ ഒണ്ടാക്കിയ അച്ചാ
ണ് നവോദയ .. പോയെ പറ്റു .. !!
എന്നാ ശരി എന്നും പറഞ്ഞു ട്രങ്ക് പെട്ടിയില്‍ തുണിയും സാധനങ്ങളും ഒക്കെ എടുത്തു കടത്തനാടന്‍ കളരിയിലേക്ക് ( ആ ഭാങതാരുന്നു നമ്മടെ ആരോമല്‍ ചേകവരുടെ നാട് അതിന്റെ അടുത്താ എന്ന് കേട്ടു) യാത്ര ആയി . അവിടെ ചെന്നപ്പോള്‍ പ്രിന്‍സിപ്പല്‍ പിന്നേം ചോദിച്ചു : മകനെ കുട്ടാ നല്ലവണ്ണം ആലോചിച്ചല്ലേ ഇവിടെ ചേരുന്നത് ..
ഞാന്‍ : പിന്നല്ല്ലാണ്ട് ! എനിക്ക് ഒരു കിടിലം പൌരന്‍ ആയി ഇവിടുന്നു ഇറങ്ങി പോവണം !
ചേര്‍ക്കല്‍ കഴിഞ്ഞു ക്ലാസും ലൈബ്രറിയും ഹോസ്റെലും ഒക്കെ കാണിച്ചു തന്നു ... വൈകിട്ട് അച്ഛനും അമ്മയും പോയി .
ആകെ ഒരു ശൂന്യത (തലക്കകതല്ല , അതങ്ങനെ ആണെന്ന് ഒരു ആരോപണം മാധ്യമ മാഫിയ ഇറക്കി വിട്ടിട്ടുണ്ട് ) , ഹൃദയത്തില്‍ ഹോം സിക്ക്നെസ്സ് ബ്രേക്ക്‌ ഡാന്‍സ് കളിക്കാന്‍ തുടങ്ങി . ഹോസ്റ്റലില്‍ കറന്റ്‌ ഉണ്ട് സിമെന്റ് ഇട്ട തറ ഉണ്ട് കട്ടില്‍ ഉണ്ട് , ഇതൊന്നും എന്റെ വാടക വീട്ടിലില്ല എന്നാലും വീട് ഈസ്‌ വീട് .. !
പിറ്റേന്ന് ഉറക്കം ഉണര്‍ന്നപ്പോ അടുത്ത കട്ടിലില്‍ ഇരുന്നു ഒരുത്തന്‍ മോങ്ങുന്നു. പിന്നെ ഞാന്‍ ഒട്ടും മടിച്ചില്ല . ഡബിള്‍ സ്ട്രോങ്ങ്‌ ആയി ഒരു മോങ്ങല്‍ കൊടുത്തു . ഒരു മൂന്നു നാല് പേര്‍ ഞങ്ങടെ ഗ്രൂപ്പില്‍ ചേര്‍ന്നു . പെട്ടെന്ന് തന്നെ ഞാന്‍ അതിന്റെ ലീഡര്‍ ആയി മാറി . ഒരാഴ്ച കഴിഞ്ഞപ്പോള്‍ വീട്ടില്‍ നിന്നു എല്ലാവരും കാണാന്‍ വന്നു. അന്ന് തന്നെ നവോ
യതോട് ഗുഡ് ബൈ പറയണം എന്ന് ഞാന്‍ തീരുമാനിച്ചിരുന്നു . അച്ഛനും അമ്മയും വന്നത് മുതല്‍ അവിടുന്ന് എന്നെ കൊണ്ട് പോവണം എന്ന് ദയനീയമായ രീതിയില്‍ അഭ്യര്‍ത്ഥിച്ചു. അച്ഛന്‍ അകത്തു കയറിയപ്പോള്‍ അവിടുത്തെ ഒരു സാര്‍ പറഞ്ഞു . നിങ്ങള്‍ അവന്‍ എങ്ങോട്ടെങ്ങിലും മാറുമ്പോള്‍ അങ്ങ് പോയാ മതി . എന്റെ അതി സൂക്ഷ്മമായ കാതുകള്‍ അത് പിടിച്ചെടുത്തു . എന്നോട് അത് എടുത്തോണ്ട് വാ ഇത് എടുത്തോണ്ട് വാ എന്നൊക്കെ എന്നോട് പലരും പറഞ്ഞു . ഞാന്‍ ആരാ.. പുലി അല്ലെ .. പോവുമ്പോള്‍ തന്ത്രപരമായി അനിയനെയും കൂടെ കൊണ്ടോയി . അവനെ അവിടെ ഇട്ടേച്ചു പോവില്ലല്ലോ .അവസാനം എന്നെ കൊണ്ട് പോവുക അല്ലാതെ വേറെ വഴി ഇല്ല . അങ്ങനെ പെട്ടെന്ന് തന്നെ ഞാന്‍ ഒരു ex-നവോദയ ആയി മാറി .
ട്രങ്ക് പെട്ടിയും തൂക്കി ഇറങ്ങുമ്പോ .. ഒരു BGM പ്ലേ ചെയ്തോണ്ടിരുന്നു .. വേറെ എവിടേം അല്ലാ എന്റെ മനസ്സിന്റെ ഡ്രോയിംഗ് റൂമില്‍ , ഏതാന്നോ ?
"അപ്പോളെ പറഞ്ഞില്ലേ
ചേരണ്ടാ ചേരണ്ടാന്നു‌ ....
ചേരണ്ടാ ചേരണ്ടാന്നു‌ ....
"

Tuesday, September 15, 2009

പഴംപൊരി

പഴംപൊരി , ഏത്തക്ക അപ്പം ,പഴം ബോളി എന്നെല്ലാം അറിയപ്പെടുന്ന സ്വാദിഷ്ട വിഭവം നിര്‍മിക്കുന്ന വിധം ദേ താഴെ പറയുന്നു .. :

വേണ്ട സാധനങ്ങള്‍ :

1.പഴം .. ചുമ്മാ പഴം എന്ന് പറഞ്ഞാ പോരാ . നേന്ത്ര പഴം ,ഏത്തപ്പഴം എന്നെല്ലാം അറിയപ്പെടുന്ന പഴം .
2.മൈദ ( ഈ സംഭവത്തിനു പ്രത്യേകിച്ച് ഗുണം ഒന്നും ഇല്ല , പോസ്റ്റര്‍ ഒട്ടിക്കാന്‍ ബെസ്റ്റ് ആണ് )
3. ഒന്ന് രണ്ടു സ്പൂണ്‍ പഞ്ചസാര
4. ഒരു ചീനിച്ചട്ടി
5. ഗ്യാസ് സ്റ്റൗ ,അടുപ്പ് അങ്ങനെ എന്തേലും
6. തീ കത്തിക്കാന്‍ തീപ്പെട്ടി ,ലൈറ്റര്‍ അങ്ങനെ എന്തേലും
7. മൂന്നു പാത്രങ്ങങ്ങള്‍ .
8. അല്പം വെള്ളം
9. കേരളത്തിന്റെ തനതായ രുചി ആയ വെളിച്ചെണ്ണയോ അല്ലെങ്കില്‍ മാറുന്ന കേരളത്തിന്റെ രുചി ആയ ഗോള്‍ഡ്‌ വിന്നെരോ അല്പം വേണം .
10, ഒരു സ്പൂണ്‍ .

ഇനി ഉണ്ടാക്കേണ്ട വിധം :

ആദ്യമായി പഴം /പച്ചക്കറി ഒക്കെ വിക്കുന്ന കട ( നേന്ത്രപ്പഴം കിട്ടുന്നത് ) ഇല്‍ പോയി .. ചേട്ടാ/ചേച്ചീ രണ്ടു നേന്ത്രപ്പഴം എന്ന് പറയുക . അവര്‍ അത് എടുത്തു തരും . കാശോന്ടെന്കില്‍ കാശ് കൊടുക്കുക . അല്ലെങ്കില്‍ പറ്റു ബുക്കില്‍ എഴുതി വെക്കുക .
(ബാംഗ്ലൂര്‍ ഭാഗത്ത് ഉള്ളവര്‍ക്ക് ചിലപ്പോ പഴം പൊരി ഉണ്ടാക്കണം എന്ന് ആഗ്രഹിക്കുമ്പോള്‍ പഴം കിട്ടി എന്ന് വരില്ല അത് കൊണ്ട് പഴം ഉള്ള ദിവസം വാങ്ങി ഉണ്ടാക്കുക )

പഴം അടുക്കളയില്‍ എത്തി കഴിഞ്ഞാല്‍ അതിന്റെ തൊലി കളയുക . അതിനു ശേഷം , നടുവേ ഒന്ന് മുറിക്കുക ,പിന്നീട് കുറുകനെ ഒന്ന് മുറിക്കുക(ചെറുതായി മുറിച്ചാല്‍എണ്ണ കുറച്ചു മതി ) അതിനു ശേഷം താഴെ കാണിച്ചിരിക്കുന്ന രീതിയില്‍ ഒരു പാത്രത്തില്‍ അറേഞ്ച് ചെയ്തു വെക്കുക . ( അറേഞ്ച്മെന്റ് തെറ്റിയാല്‍ പ്രശ്നമാവുമേ ..)



പിന്നീട് ഒരു പാത്രത്തില്‍ അല്പം മൈദ എടുക്കുക ,ഒന്ന് രണ്ടു സ്പൂണ്‍ പഞ്ചസാര ഇടുക , അല്പം വെള്ളം ഒഴിച്ച് പേസ്റ്റ് പരുവതെക്കാള്‍ അല്പം അയച്ചു കുഴയ്ക്കുക . ചിത്രങ്ങള്‍ താഴെ കൊടുത്തിരിക്കുന്നു .







അതിനു ശേഷം ഒരു ചീന ചട്ടിയില്‍ അല്പം വെളിച്ചെണ്ണ / ഗോള്‍ഡ്‌ വിന്നര്‍ എടുത്തു ചൂടാക്കുക . വളരെ ശ്രദ്ധയോടെ മാവ് പഴക്കഷണത്തില്‍ തേച്ചു പിടിപ്പിച്ച ശേഷം , എണ്ണയില്‍ ഇടുക .( ഹെല്‍മെറ്റ്‌ , ഗോഗ്ഗില്സ് എന്നിവ സുരക്ഷക്ക് വേണ്ടി ധരിക്കാവുന്നതാണ് ) . ഒരു വശം മൊരിഞ്ഞതിനു ശേഷം
സ്പൂണ്‍ ഉപയോഗിച്ച് മറിച്ചിടുക .


രണ്ടു വശവും മൊരിഞ്ഞാല്‍ പഴം, പഴംപൊരി ആയതായി കണക്കാക്കാവുന്നതാണ് . ഇതിനെ എടുത്തു ഒരു പ്ലേറ്റ് ഇല്‍ വെക്കുക . പ്ലേറ്റില്‍ പേപ്പര്‍ ഇട്ടാല്‍ എക്സ്ട്രാ ഉള്ള എണ്ണ അതേല്‍ പറ്റി പിടിച്ചു പൊക്കോളും .
എന്ഡ് പ്രോഡക്റ്റ് ദേ ഇങ്ങനെ ഇരിക്കും ( ഈ രീതിയില്‍ അറേഞ്ച് ചെയ്തു വെക്കണം ):





P.S ( പ്രത്യേക ശ്രദ്ധയ്ക്ക്‌ ) : ഉണ്ടാക്കി കഴിഞ്ഞാല്‍ , റൂം മേറ്റ്‌, ഭര്‍ത്താവ്‌ ,ഭാര്യ ,ഫ്രണ്ട് എന്നിങ്ങനെ ആര്‍ക്കെങ്കിലും ഒരു കഷണം കഴിക്കാന്‍ കൊടുക്കുക , പത്തു മിനിറ്റ് കഴിഞ്ഞു അനിഷ്ട സംഭവങ്ങള്‍ ഒന്നും ഉണ്ടാവുന്നില്ലെന്കില്‍ ധൈര്യമായി കഴിക്കാം .

Wednesday, September 9, 2009

ഓര്‍മ്മക്കുറിപ്പുകള്‍ (ഓര്‍മയില്‍ ഇല്ലാത്തതും) - 5

സ്കൂള്‍ ജീവിതം

ഒന്നാം ക്ലാസ്സില്‍ ചേര്‍ന്നു രണ്ടു ആഴ്ച കഴിഞ്ഞപ്പോളെക്കും കൊറച്ചു ഫ്രെണ്ട്സ്‌ ഒക്കെ ആയി . ഒരു അരാഫത്ത്‌ ഉണ്ടാരുന്നു ലവന് വര്‍ഷത്തില്‍ മുന്നൂറ്റി അറുപത്തഞ്ചു ( കുറഞ്ഞത് സ്കൂളില്‍ വരുന്ന ദിവസങ്ങളില്‍ എങ്കിലും ) ജലദോഷം ആണ് . ഇപ്പൊ മാറിയോ എന്തോ അല്ലെങ്കില്‍ പന്നീ ..പനി ആണോ എന്ന ഡൌട്ട് വെച്ച് അവനെ സെന്‍ട്രല്‍ ജയിലില്‍ പിടിച്ചിട്ടെനെ .ബട്ട്‌ അവന്റെ കയ്യില്‍ ഒരു സ്കെയില്‍ ഉണ്ടാരുന്നു . സ്കെയില്‍ ന്റെ അകത്തു വെള്ളം അതില്‍ മീന്‍ , തിളങ്ങുന്ന ഏതാണ്ടൊരു സുനാപ്പി . അങ്ങനെ വന്‍ ജാന്‍ഗോ ഒരു സ്കെയില്‍ . അവന്റെ ബാപ്പ ദൂഫായില്‍ ആരുന്നു . അവിടുന്ന് കൊണ്ടോന്നതാ . നെയ്ബെര്സ് എന്‍വി ഓണേര്സ് പ്രൈഡ്‌ !!! പണ്ടാരം എന്തോരം അസൂയപ്പെട്ടിട്ടുണ്ടെന്നോ എനിക്കാണേല്‍ നടരാജ്‌ ന്റെ സ്കെയില്‍ പോലും ഇല്ലാരുന്നു . സത്യത്തില്‍ അതിന്റെ ആവശ്യം ഇല്ലാരുന്നു . ഞങ്ങള്‍ക്ക് ബെഞ്ച്‌ മാത്രമേ ഉണ്ടായിരുന്നുള്ളൂ . എഴുതണമെന്കില്‍ ബെഞ്ചില്‍ നിന്നും ഇറങ്ങി നിലത്തു മുട്ട് കുത്തി നിക്കണം . അങ്ങനെ വന്‍ സൌകര്യങ്ങള്‍ ഉള്ള ഒരു ഇന്റര്‍നാഷണല്‍ സ്കൂള്‍ . ഇംഗ്ലീഷ് മീഡിയം സ്കൂളിലൊക്കെ മുട്ട് കുത്തി നിക്കുന്നത് ശിക്ഷ ആണത്രേ ! ഞങ്ങള്‍ക്കത് ശീലവും . തീയില്‍ കുരുത്തത് വെയിലത്ത്‌ വാടില്ലല്ലോ , എവിടെ വാടാന്‍ !
ഒന്നാം ക്ലാസ്സ്‌ പകുതി ആയപ്പോള്‍ ആണ് എന്റെ ബാക്കി ഉണ്ടാവുന്നത് .. ബാക്കിന്നു പറഞ്ഞാല്‍ അനുജന്‍ . അമ്മ നാട്ടില്‍ പോയി . ഞാനും അച്ഛനും ആയി താമസം . ആ കാലത്ത് എനിക്കുള്ള മെയിന്‍ ഓര്മ വൈകുന്നേരം ചെക്കുവേട്ടന്റെ പീടികേന്നു കഴിക്കുന്ന പൊറോട്ട ആണ് . അങ്ങനെ ജനുവരി മാസത്തില്‍ ഞാന്‍ നാട്ടില്‍ പോയപ്പോ ആണ് ലവന്‍ ജനിക്കുന്നത് . ഞാന്‍ അമ്മയുടെ കസിന്‍ , എന്റെ ചിറ്റേടെ കൂടെയാ കാണാന്‍ പോയത് . എനിക്ക് കൊറേ ഡൌട്ട് ഉണ്ടാരുന്നു . ലവന്‍ നടക്കുമോ ,മിണ്ടുമോ എന്നൊക്കെ . അതൊന്നും അടുത്ത കാലത്ത് നടക്കില്ല എന്നറിഞ്ഞപ്പോ എന്റെ ഇന്റെരെസ്റ്റ്‌ പോയി . ഹോസ്പിറ്റലില്‍ പോയി കണ്ടു . ഒരു ചെറിയ സാധനം , കാണാന്‍ ഒരു രസവുമില്ല . പിന്നെ അമ്മയോട് ചോദിച്ചിട്ട് ഒന്ന് തൊട്ടു നോക്കി . കണ്ണ് പോലും തുറന്നു നോക്കീല്ല . മടിയന്‍ .

ഞങ്ങടെ സ്കൂള്‍ ദൂഫായി സെറ്റപ്പ് ആരുന്നു , ഫ്രൈഡേ ആണ് ഹോളിഡേ . ആ സെറ്റപ്പ് അല്ലാരുന്നേല്‍ ഈ ശല്യം നിങ്ങക്ക് സഹിക്കേണ്ടി വരത്തില്ലാരുന്നു . പ്രഭ ടീച്ചറിന്റെ ക്ലാസ്സില്‍ ആരുന്നു , രണ്ടാം ക്ലാസ്സില്‍ പഠിക്കണ കാലം , ഒരു ശനിയാഴ്ച രാവിലെ സ്കൂളില്‍ ചെന്നപ്പോ ബെഞ്ചേല്‍ ഒക്കെ ഓടു കിടക്കുന്നു , മേല്‍ക്കൂര നിലം പൊത്തി . വെള്ളിയാഴ്ചത്തെ മഴയ്ക്ക് .അന്ന് അവധി അല്ലാരുന്നേല്‍, ശോ .. സൂപ്പര്‍ ആയേനെ !
മൂന്നാം ക്ലാസില്‍ പഠിക്കുമ്പോ ഞാന്‍ കഥാപ്രസംഗം 'കരഞ്ഞു' (അഥവാ പറഞ്ഞു ) . ഒരു കിളിയുടെ കഥ ആരുന്നു .. കഥയൊക്കെ പഠിച്ചു സ്റ്റേജ് ഇല്‍ കയറിയപ്പോ ആണ് ഈ ശൂന്യാകാശത്ത് ആള്‍ക്കാര്‍ നടക്കുന്നത് എങ്ങനെ ആണെന്ന് മനസ്സിലായത്‌ . കഥ പറയാന്‍ തുടങ്ങി ...
"അതാ അങ്ങോട്ട്‌ നോക്കൂ " .. പറഞ്ഞു കയ്യൊക്കെ ചൂണ്ടി അങ്ങോട്ട്‌ നോക്കിയപ്പോ ആള്‍ക്കാര്‍ എന്നെ നോക്കുന്നു .. പണ്ടാരം ടെന്‍ഷന്‍ ആയി പോയി .. ഒരൊറ്റ മോങ്ങല്‍ ... കഥയുടെ അവസാനമേ വികാര സാന്ദ്രമായ രംഗങ്ങള്‍ ഉണ്ടായിരുന്നുള്ളൂ . ഞാന്‍ അതൊക്കെ ആദ്യ സീനില്‍ തന്നെ അങ്ങ് അവതരിപ്പിച്ചു , എന്നെ സമ്മതിക്കണം ! കഥ ഒക്കെ കരഞ്ഞു പറഞ്ഞു ഇറങ്ങിയപ്പോ ഒരു മാഷ്‌ വന്നു ചോയിച്ചു .. നീ മാഷിന്റെ മോനല്ലേ , മാഷിന്റെ മാനം കളഞ്ഞല്ലോ .. ഓ പുള്ളിക്കങ്ങനെ ഒക്കെ പറയാം . എന്റെ ടെന്‍ഷന്‍ എനിക്കല്ലേ അറിയൂ ! അതോടെ സ്റ്റേജ് കലാപരിപാടി അവസാനിപ്പിച്ച് . യുറീക്ക പരീക്ഷ ആക്കി എന്റെ വിഹാര രംഗം . അതില്‍ വല്ല്യ തെറ്റില്ലാരുന്നു , പ്ലീസ്.. വിശ്വസിക്കണം
അങ്ങനെ രണ്ടും മൂന്നും കഴിഞ്ഞു നാലാം ക്ലാസ്സില്‍ ആയി . നാളില്‍ ആയതിന്റെ ഏറ്റവും വലിയ ആകര്‍ഷണീയത നാലാം ക്ലാസ്സില്‍ ഡസ്ക് ഉണ്ട് എന്നതാരുന്നു . ഇനി മുട്ട് കുത്തി നിന്നു എഴുതണ്ട ..വല്ല്യ പിള്ളേര്‍ ആയി !
ആ സന്തോഷം ഒക്കെ അഞ്ചാം ക്ലാസ്സ്‌ ആയപ്പോ തീര്‍ന്നു . അടുത്ത ഹൈ സ്കൂളില്‍ ആണ് അഞ്ചാം ക്ലാസ്സില്‍ ചേര്‍ന്നത്‌ , വീണ്ടും പഴയ ബെഞ്ച്.. മുട്ട് കുത്തി നില്‍ക്കല്‍ , പിന്നെ ആ സ്കൂളില്‍ ആരുന്നു എന്റെ മാതാപിതാക്കള്‍ പഠിപ്പിച്ചിരുന്നത് . ഈ പഠിപ്പ് മുടക്ക് എന്ന കലാപരിപാടി അവിടെ പതിവായിരുന്നു . ബെല്‍ അടിച്ചു ക്ലാസ്സ്‌ വിട്ടില്ലേല്‍ ക്ലാസ്സുകളില്‍ വന്നു കുട്ടികളെ ഇറക്കി വിടും . അങ്ങനെ ഒരു ദിവസം ഞങ്ങടെ അഞ്ചാം ക്ലാസ്സിലും വന്നു ഇറക്കി വിടാന്‍ കുറച്ചു പേര്‍ . കണ്ടാല്‍ കുട്ടി ചാക്ക് പോലെ ഇരിക്കുന്ന എന്നെ കണ്ടപ്പോ ഒരുത്തന്‍ പറഞ്ഞു .." ഓന്‍ മാഷിന്റെ മോനാ " കേള്‍ക്കേണ്ട താമസം വേറെ ഒരുത്തന്‍ എന്നെ എടുത്തു ക്ലാസ്സിന്റെ പുറത്തേക്കു എറിഞ്ഞു . എനിക്കൊന്നും പറ്റിയില്ല .. റബ്ബര്‍ പന്ത്‌ നിലത്ത്‌ എറിഞ്ഞാലും അതിനു ഒന്നും പറ്റത്തില്ലല്ലോ ! മാഷിന്റെ മോനോടുള്ള ഒരു സ്നേഹം .. ഹോ ..

gplus utube buzz