ആഹാരം കഴിക്കാന്‍ വേണ്ടി ജീവിക്കുന്ന ഒരു ജീവി ആണ് ഞാന്‍ . അതിപ്പോ ബ്രേക്ക്‌ ഫാസ്റ്റ് , ലഞ്ച് , ഡിന്നര്‍ ന്നു സമയം നോട്ടം ഒന്നൂല്ല .തിരോന്തോരത്ത് എത്തിയെ പിന്നെ അധികം തീറ്റ പരീക്ഷണങ്ങള്‍ ഒന്നൂല്ല . ഒരു രണ്ടു മാസം ഞാന്‍ ഒരു ലോഡ്ജില്‍ ആരുന്നു താമസം .അതിന്റെ തൊട്ടടുത്ത്‌ , ഒരു ഹോട്ടലുണ്ട് . ബ്രേക്ക്‌ ഫാസ്റ്റ് പതിവായി അവിടുന്നാ.
ഒരു ചായക്കാശു കൊണ്ട് മനോരമേം മാത്രുഭൂമീം കേരളാ കൌമുദിയും വായിക്കുന്ന രണ്ടു അമ്മാവന്മാര്‍ ആണ് അവിടുത്തെ സ്ഥിരം കാഴ്ച .സ്പോര്‍ട്സ്‌ വാര്‍ത്ത അടക്കം എല്ലാത്തിലും നല്ല പിടിപാടാ . മുല്ലപ്പെരിയാര്‍ പ്രശ്നം ഒക്കെ നമ്മുടെ കേന്ദ്രമന്ത്രിമാരേക്കാള്‍ വ്യക്തമായി ലവര്‍ക്ക് അറിയും.
അവിടെ ചെന്ന് കഴിക്കാന്‍ ഇരിക്കുമ്പോ ആണ് എനിക്കൊരു സമാധാന്‍ , ഒരു റൊട്ടി കടിച്ചു പറിച്ചു , അതിന്റെ പാതി പാത്രത്തില്‍ വെച്ചിട്ട് പോകുന്ന ചില ജീവികളുടെ കൂടെ ഇരുന്നു കഴിക്കുമ്പോ തന്നെ മനസ്സിന് ഒരു സാറ്റിസ്ഫാക്ഷന്‍ കിട്ടില്ല. ഇവിടെ നല്ല അധ്വാനിക്കുന്ന ചേട്ടന്മാര്‍ വന്നു . രണ്ടു കുറ്റി പുട്ടും പയറും , അതിനു അലങ്കാരത്തിനു ഒരു പഴം പുഴുങ്ങിയതും മേമ്പൊടിക്ക് രണ്ടു മുട്ട പുഴുങ്ങിയതും , പുട്ട് കുറ്റി കണക്കുള്ള ഗ്ലാസ്സില്‍ ചായേം വലിച്ചു കേറ്റിയിട്ട് കൂളായി ഇറങ്ങി പോവും . ബൈ ദി ബൈ അവിടെ പുട്ടു മാത്രല്ല ഉള്ളത് ,ഇടിയപ്പം , ഇഡലി , ദോശ , മസാല ദോശ , അപ്പം അങ്ങനെ കുറെ ഐറ്റംസ് ഒണ്ടു . ഞാന്‍ കേറി ചെന്നാല്‍ ഒരു പൊക്കമുള്ള ചേട്ടന്‍ വന്നിട്ട് ഉള്ള സംഭവങ്ങളുടെ ലിസ്റ്റ് പറയും . എന്തിന്റെം കൂടെ പപ്പടം വെക്കുന്നത് ആ ചേട്ടന്റെ ഒരു വീക്ക്നെസ്സ് ആണ് . പിന്നെ മുട്ട പുഴുങ്ങിയത് എടുക്കട്ടെ എന്ന് എന്നും ചോദിക്കും . രാവിലെ മുട്ട പുഴുങ്ങിയത് കഴിക്കൂല്ലന്നു വരെ പറഞ്ഞു നോക്കി . എങ്കിലും എന്നെങ്കിലും ഞാന്‍ കഴിക്കും ന്നു ഉള്ള പ്രതീക്ഷയില്‍ ചേട്ടന്‍ ചോദിക്കും .. പാവം ചേട്ടന്‍ നല്ല ശുഭാപ്തിവിശ്വാസം ഉള്ള ആളാണെന്നു തോന്നുന്നു ..
ആ പിന്നെ, അവിടെ രസവട ഉണ്ട് രാവിലെ . അത് നല്ല ഒരു സംഭവം ആണ് . അപ്പത്തിന്റെ കൂടെ രണ്ടു ദിവസം ഞാന്‍ കഴിച്ചാരുന്നു . നല്ല പൊക്കമുള്ള ഒരു മെലിഞ്ഞ ചേട്ടന്‍ ഞാന്‍ കഴിക്കാന്‍ വരുന്ന സമയത്തു വരും .. പുള്ളി ആരാംസെ രണ്ടു കുറ്റി പുട്ട് കഴിക്കും , ലക്ഷ്മണ്‍ ഡ്രൈവ് ചെയ്യുന്ന പോലെ ,പക്ഷെ പുട്ടിനു വേദനിക്കാന്‍ പാടില്ല എന്ന പോലെ . പുള്ളീടെ കൂടെ പൊക്കം കുറഞ്ഞ വേറൊരു ചേട്ടന്‍ വരും .. അപ്പത്തിനോടും മുട്ടക്കറിയോടും എന്തോ ദേഷ്യം ഉള്ള പോലെ ആണ് പുള്ളിയുടെ ഒരു കഴിപ്പ് . അപ്പത്തിനെ ഒക്കെ കടിച്ചുകീറി വെട്ടി വിഴുങ്ങും , എന്നാലും പുള്ളിയുടെ മുഖം കണ്ടാല്‍ അറിയാം അത് എന്ജോയ്‌ ചെയ്യുന്നുണ്ട് ന്നു . പിന്നെ നല്ല പ്രായം ഉള്ള ഒരു അമ്മാവന്‍ വരും , ഇഡലി ആണ് പുള്ളി സ്ഥിരം കഴിക്കുക , സാമ്പാര്‍ ഒഴിക്കില്ല , ചമ്മന്തി കൂട്ടി . ആ അമ്മാവന്‍ ഒരു വിഷമത്തില്‍ ആണ് എപ്പോഴും , എന്താണോ എന്തോ .. രാവിലെ വീട്ടീന്നു കഴിക്കാന്‍ പറ്റാത്ത എന്തോ പ്രശ്നം ആരിക്കും .. ആ പ്രായത്തില്‍ എന്തായാലും ജോലി ഒന്നും ചെയ്യാന്‍ പോകാന്‍ പറ്റും ന്നു തോന്നുന്നില്ല . ഇനി പണ്ടത്തെ ശീലത്തിനു പുറത്തൂന്ന് കഴിക്കുന്നതാണോ എന്തോ .. ആ അറിയത്തില്ല .
പിന്നെ സ്ഥിരം വരുന്നൊരു കക്ഷി ഉണ്ട് , ഏതോ ബസ്‌ പിടിക്കാന്‍ ഉള്ള ഒരു ചെക്കന്‍ ആണ് . ടപ്പ്‌ ടപ്പേ ന്നു പുട്ട് തിന്നുന്ന കണ്ടാല്‍ അന്തിച്ചു പോവും . അത്രേം സ്പീഡാ . പുട്ടും തിന്നു ചായേം ഒറ്റ വീര്‍പ്പിനു കുടിച്ചു ആ പയ്യന്‍ ഒറ്റ ഓട്ടം ആണ് .. ഹോ , പാവം .അപ്പൊ അവിടെ ഒരു വല്യപ്പന്‍ വരും . മാനേജര്‍ ചേട്ടന്‍ ആ പുള്ളിക്ക് പത്തു രൂപാ കൊടുക്കും . പതിവാ . അതും മേടിച്ചു കണ്ണില്‍ വെച്ച് പ്രാര്തിച്ചിട്ടു ആ വല്യപ്പന്‍ അങ്ങ് പോവും .. അപ്പോഴേക്കും എന്റെ ഫുഡ്‌ അടി കഴിയും .. പിന്നെ ആപ്പീസിലേക്ക് പോകണമല്ലോ ന്ന വിഷമത്തില്‍ കാശും കൊടുത്തു ഇറങ്ങി ലോഡ്ജിലെക്ക് ..
8 comments:
ishtamaayi...bhayankara ishtamaayi.....super nireekshnam!!!(cheriyoru madi kaaranam goofle transliterator open cheythu type cheyyunnilla!!!)
:-) good..
puttu katha..
ബ്രേക്ക്ഫാസ്റ്റിലെ 'സ്റ്റാർ' പുട്ടാണെന്നാ മതൃഭൂമി ആരോഗ്യമാസിക പറയുന്നത്.
"salt nd pepper" poloru post.....
nice kalla...
ഉണക്ക റോട്ടീം തിന്നു കിടക്കുന്ന പാവം പ്രവാസിയായ എന്റെ വായില്‍ വെള്ളമൂരിച്ച ദുഷ്ടാ....നിങ്ങള്ക്ക് കൊതി കിട്ടട്ടെ.
ഒരു റൊട്ടി കടിച്ചു പറിച്ചു , അതിന്റെ പാതി പാത്രത്തില്‍ വെച്ചിട്ട് പോകുന്ന ചില ജീവികളുടെ കൂടെ ഇരുന്നു കഴിക്കുമ്പോ തന്നെ മനസ്സിന് ഒരു സാറ്റിസ്ഫാക്ഷന്‍ കിട്ടില്ല..kollam...kollam
athey.. ee varunnavarude pokkam um avar kazhikkunna breakfast um thammil entha bandham ?
Post a Comment